ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
விஷால் நடித்த 'துப்பறிவாளன்' படத்தைத் தொடர்ந்து மிஷ்கின் இயக்கும் புதிய படம் பற்றி ஒரு தகவல் வெளியாகியுள்ளது. இந்தப் படத்தில் நாயகனாக பாக்யராஜின் மகன் சாந்தனு நடிக்க உள்ளார். படத்திற்கு பிரபல ஒளிப்பதிவாளர் பி.சி.ஸ்ரீராம் ஒளிப்பதிவு செய்கிறார்.
'சுட்ட கதை, நளனும் நந்தினியும், நட்புன்னா என்னன்னு தெரியுமா' ஆகிய படங்களைத் தயாரித்த லிப்ரா புரொடக்ஷன்ஸ் இப்படத்தைத் தயாரிக்க உள்ளது. இயக்குனர் மிஷ்கின், ஒளிப்பதிவாளர் பி.சி.ஸ்ரீராம், தயாரிப்பாளர் ரவீந்தர் சந்திரசேகரன், சாந்தனு ஆகியோர் உள்ள ஒரு புகைப்படத்தைத் தயாரிப்பாளர் ரவீந்தர் அவருடைய முகப்புத்தகத்தில் வெளியிட்டுள்ளார். “இன்னும் பலப் பல...ஆச்சரியமான” என அவர் குறிப்பிட்டுள்ளார். அதே புகைப்படத்தை தன் டிவிட்டரில் பகிர்ந்துள்ள சாந்தனு, “என்னுடைய புதிய பிறப்பு, ஆசீர்வதியுங்கள்” எனக் குறிப்பிட்டுள்ளார்.
சாந்தனு இதுவரை பல படங்களில் கதாநாயகனாக நடித்தும் அவருக்கு பெரிய அளவில் வெற்றி கிடைக்கவில்லை. மிஷ்கின் இயக்கத்தில் அவர் நடிப்பது உறுதி என்றால் நிச்சயம் அவருக்கும் ஒரு திருப்புமுனை ஏற்படலாம்.