ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
இணைய தளங்களைப் பொறுத்தவரையில் அஜித், விஜய் ஆகியோருக்கிடையேதான் மிகப் பெரும் போட்டி என்பதை 'காலா' படத்தின் டீசர் மீண்டும் உறுதி செய்திருக்கிறது. அஜித், விஜய் ஆகியோரது படங்களின் டீசர் யு டியுபில் வெளியானால் குறைந்த மணி நேரத்தில் பல சாதனைகளைப் படைக்கும்.
ஆனால், நள்ளிரவில் வெளியான 'காலா' டீசர் 'மெர்சல்' டீசரின் சாதனையை முறியடிக்காமல் பின்தங்கிவிட்டது. எந்த விதமான அறிவிப்பும் இன்றி திட்டமிட்ட மணிக்கு முன்பாகவே நள்ளிரவில் வெளியானதும் அதற்கு ஒரு காரணமாக இருக்கலாம்.
'மெர்சல்' டீசர் 24 மணி நேரத்தில் 1 கோடியே 12 லட்சம் பார்வைகள், 7 லட்சத்து 28 ஆயிரம் லைக்குகள், 52 ஆயிரம் கமெண்ட்டுகள், 1 லட்சத்து 59 ஆயிரம் டிஸ்-லைக்குகள் ஆகியவற்றைப் பெற்றது. அது மட்டுமல்லாமல் சுமார் மூன்று மணி நேரத்திற்குள்ளாகவே 6 லட்சம் லைக்குகளைக் கடந்து தனிப் பெரும் உலக சாதனையைப் படைத்தது.
'காலா' டீசர் வெளிவந்தால் அந்த சாதனையை முறியடிக்கும் என ரசிகர்கள் எதிர்பார்த்தார்கள். ஆனால், அப்படி எதுவும் நடக்கவில்லை என்பது ரஜினிகாந்த் ரசிகர்களுக்கு வருத்தமாகிவிட்டது.
கடந்த 12 மணி நேரத்தில் 'காலா' டீசர் 35 லட்சம் பார்வைகளையும், 2,44,000 லைக்குகளையும், 12,124 கமெண்ட்டுகளையும், 28,000 டிஸ்-லைக்குகளையும் மட்டுமே பெற்றுள்ளது.
இதன் மூலம் தற்போதைய நிலவரப்படி 'மெர்சல்' டீசர் அதன் சாதனையைத் தொடர்ந்து தக்க வைத்துக் கொண்டுள்ளது.