மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
ராம்பாலா இயக்கத்தில் சந்தானம் நடித்து 2016ம் ஆண்டு வெளிவந்த 'தில்லுக்கு துட்டு' படம் சந்தானத்திற்கு கதாநாயகனாக முதல் வெற்றிப் படமாக அமைந்தது. சந்தானத்தை டிவியில் 'லொள்ளு சபா' நிகழ்ச்சியில் கதாநாயகனாக அறிமுகப்படுத்திய ராம் பாலா தான் பெரிய திரையிலும் சந்தானத்திற்கு வெற்றியைத் தேடிக் கொடுத்தார்.
அந்தப் படத்திற்குப் பின் சந்தானம் நடித்து கடந்த ஆண்டு வெளிவந்த 'சக்க போடு போடு ராஜா' படம் தோல்வியைத் தழுவியது. மேலும் சந்தானம் தற்போது நடித்து முடித்துள்ள 'சர்வர் சுந்தரம்' படம் எப்போது வரும் என்றே தெரியவில்லை. மேலும் அவர் நடித்து வரும் 'ஓடி ஓடி உழைக்கணும், மன்னவன் வந்தானடி' ஆகிய படங்களின் படப்பிடிப்பும் நடந்து வருகிறது. இந்தப் படங்களின் வெளியீடு குறித்தும் தகவல் இல்லை.
இதனிடையே, சந்தானம் மீண்டும் ராம்பாலாவுடன் இணைந்து 'தில்லுக்கு துட்டு 2' படத்தை ஆரம்பிக்க உள்ளார் என்று ஏற்கெனவே நாம் செய்தி வெளியிட்டிருந்தோம். இன்று ஐதராபாத்தில் அப்படம் ஆரம்பமானது. ஐதராபாத்தில் படப்பிடிப்பு தொடர்ந்து நடைபெற உள்ளது.