ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தென்னிந்தியத் திரையுலகத்தைப் பொறுத்தவரையில் தெலுங்கு, தமிழ் ஆகிய இரண்டு மொழிகளிலும் மற்ற மொழி, மாநிலத்தைச் சேர்ந்த நடிகைகள் தான் முன்னணியில் இருக்கிறார்கள். தமிழில், மலையாள, ஹிந்தி, தெலுங்கு நடிகைகளும் டாப் லிஸ்ட்டில் இடம் பெற்றுள்ளார்கள். அது போலவே, தெலுங்கில் தமிழ், மலையாள, ஹிந்தி நடிகைகள் தான் முன்னணியில் இருக்கிறார்கள்.
தமிழ்த் திரையுலகத்தில் உள்ள தென்னிந்திய திரைப்பட நடிகர்கள் சங்கத்தில் தென்னிந்திய மொழிகளில் நடிக்கும் பலரும் உறுப்பினர்களாக உள்ளார்கள். நடிகர் சங்கம் சார்பாக நடைபெறும் பல விழாக்களில் முன்னணி நடிகைகள் யாரும் அதிகமாகக் கலந்து கொண்டதேயில்லை. அவர்கள் வரவில்லை என்றாலும் கூட அவர்கள் மீது நடிகர் சங்கம் எந்த நடவடிக்கையும் எடுப்பதில்லை. அது பற்றி நடிகர் சங்கத்தினர் யாரும் பேசக் கூட மாட்டார்கள்.
ஆனால், தெலுங்கில் 'மூவி ஆர்ட்டிஸ்ட் அசோசியேஷன்' தலைவர் சிவாஜி ராஜா மற்ற மொழி நடிகைகள் மீது குற்றம் சாட்டியிருக்கிறார். “ஒரு லட்ச ரூபாய் பணம் கொடுத்து உறுப்பினராக சேர்ந்துவிட்டு, மறுநாளே 20 லட்ச ரூபாய்க்கு மேல் செக்கை எடுத்து வந்து பணம் வாங்கித் தாருங்கள் என்று புகார் கூறுகிறார்கள். இங்கிருந்து பல கோடிகளை அள்ளிக் கொண்டு செல்கிறார்கள். ஆனால், எந்த ஒரு நிகழ்வுக்கும் அவர்கள் ஒத்துழைப்பதில்லை. 'மா'விற்காக சொந்தமாகக் கட்டடம் கட்ட ஒரு நிகழ்ச்சியை நடத்த ஏற்பாடு செய்துள்ளோம். இனி, அவர்கள் எங்கள் அழைப்புக்கு ஒத்துழைக்கவில்லை என்றால் எதிர்காலத்தில் அவர்களுக்கு ஏதாவது பிரச்சனை வந்தால் நாங்கள் உதவி செய்ய மாட்டோம்,” எனத் தெரிவித்துள்ளார்.
சிவாஜி ராஜவின் இந்தப் பேச்சு குறித்து இதுவரை முன்னணி நடிகர்கள், நடிகைகள் யாரும் எந்த கருத்தும் தெரிவிக்கவில்லை.