ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தனுஷின் படத் தயாரிப்பு நிறுவனமான ஒண்டர் பார் பிலிம்ஸ் தயாரிப்பில் பா.ரஞ்சித் இயக்கத்தில் ரஜினிகாந்த், ஹுமா குரேஷி, சமுத்திரக்கனி மற்றும் பலர் நடித்துள்ள படம் காலா. இப்படம் வரும் ஏப்ரல் மாதம் 27ம் தேதி வெளியாகும் என நேற்று அதிகாரப்பூர்வமாக அறிவிக்கப்பட்டது. அந்தத் தேதியில் முதலில் ரஜினிகாந்த் நடித்துள்ள 2.0 படம்தான் வருவதாக இருந்தது. ஆனால், அப்படத்தின் கிராபிக்ஸ் வேலைகள் முடிவடையாததால் அந்தப் படம் மேலும் தள்ளிப் போனது.
அந்தத் தகவலை அறிந்த சில தயாரிப்பாளர்கள் ஏப்ரல் 27ம் தேதி அவர்களது படங்களை வெளியிட திட்டமிட்டார்கள். அதன்படி மிஸ்டர் சந்திரமௌலி படம் ஏப்ரல் 27ம் தேதி வெளியாவதாக முதலில் அறிவிக்கப்பட்டது. மேலும் சில தயாரிப்பாளர்கள் அன்று படங்களை வெளியிட முடிவு செய்திருந்த நிலையில் காலா படத்தை அந்தத் தேதியில் வெளியிட அறிவித்துவிட்டதால் அவர்களது முடிவை மாற்றிக் கொண்டுள்ளார்கள்.
காலா ஏப்ரல் 27ம் தேதி வெளியாவதால், மிஸ்டர் சந்திரமௌலி படத்தைத் தள்ளி வைப்பதாக அப்படத்தின் தயாரிப்பாளர் தனஞ்செயன் அறிவித்துள்ளார். “ஏப்ரல் 27ம் தேதி காலா வருவதால் வேறு யாராலும் அன்று நிற்க முடியாது. ஏப்ரல் 27ம் தேதி எங்களது மிஸ்டர் சந்திரமௌலி படம் வெளியாகும் என்று முதலில் அறிவித்தோம். இப்போது வெளியீட்டுத் தேதியை மாற்றியமைத்து அறிவிக்க வேண்டும்,” எனத் தெரிவித்துள்ளார்.
ரஜினிகாந்த் போன்ற நடிகர்கள் நடித்து படங்கள் வெளிவரும் போது முன்னர் அறிவிக்கப்பட்ட சிறிய படங்கள் பாதிப்படைவது நியாயமே இல்லை. தமிழ்நாட்டு அரசியலில் சிஸ்டம் சரியில்லை என்று கூறும் ரஜினிகாந்த் அவருடைய பட வெளியீட்டு சிஸ்டத்தை மாற்றி சிறிய படங்களுக்கும் வழி விடுவாரா ?. முதலில் அவருடைய திரைத்துறை சார்ந்த சிஸ்டத்தை சரி செய்யட்டும் என்று கோலிவுட்டில் நேற்று முதலே குரல்கள் எழ ஆரம்பித்துவிட்டன.