ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தமிழ் சினிமாவில் தங்களது படங்களால் கவனிக்க வைக்கும் இயக்குனர்களை விரல் விட்டு எண்ணி விடலாம். இயக்குனர்கள் பாலா, மிஷ்கின், ராம், ராஜு முருகன் என சிலர் மட்டுமே கமர்ஷியல் சினிமாக்களில் இருந்து மாறுபட்டு கொஞ்சமாவது மாற்று சினிமாவைக் கொடுத்து வருகிறார்கள். அவர்கள் வரிசையில் இன்னும் பலர் இப்போது சேர்ந்து வருகிறார்கள்.
தாங்கள் இயக்கிய படங்களை விமர்சனங்களுக்குரிய படங்களாக எடுத்த இயக்குனர்களான மிஷ்கின், ராம் இருவருமே இதற்கு முன் அவர்கள் இயக்கிய படங்களில் நாயகர்களாக நடித்திருக்கிறார்கள். மிஷ்கின் அவர் இயக்கிய 'நந்தலாலா' படத்தில் நாயகனாக நடித்தார். ராம் அவர் இயக்கிய 'தங்க மீன்கள்' படத்தில் நாயகனாக நடித்தார். இயக்கத்தோடு நடிப்பிலும் அவர்கள் தனி முத்திரை பதித்த படங்கள் அவை.
அப்படிப்பட்ட இரண்டு இயக்குனர்கள் இப்போது நாயகனாகவும், வில்லனாகவும் மோதிக் கொள்ளும் 'சவரக்கத்தி' படம் வரும் பிப்ரவரி 9ம் தேதி வெளியாக உள்ளது. இயக்குனர் மிஷ்கின் தம்பியான ஜி.ஆர். ஆதித்யா இந்தப் படத்தை இயக்கியுள்ளார்.
“சீரியசான படங்களைக் கொடுக்கும் இரண்டு இயக்குனர்கள் நடிக்கும் படம் என நினைத்து விடாதீர்கள். இது முற்றிலும் கலகலப்பான படம். பொய்யையே சொல்லி சுற்றித் திரியும் ராம், எதற்கெடுத்தாலும் கோபம் அடையும் மிஷ்கின் இருவரும் மோதிக் கொள்வது தான் படத்தின் கதை. அதை அவ்வளவு நகைச்சுவையாகச் சொல்லியிருக்கிறோம்,” என்கிறார் இயக்குனர் ஆதித்யா.