ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
தமிழ்த் திரையுலகில் தனக்கென தனி சிம்மாசனத்துடன் உயர்ந்து இருந்தவரும், பின்னர் அரசியல் உலகிலும் தனக்கென தனி சாம்ராஜ்யத்தைப் படைத்துக் கொண்டவருமான எம்ஜிஆரின் 102வது பிறந்த நான் இன்று அவருடைய ரசிகர்களாலும், தொண்டர்களாலும் கொண்டாடப்பட்டு வருகிறது.
இணைய உலகம் வளர்ச்சி பெறுவதற்கு முன்பு பல சிறிய ஊர்களில் இருந்த 'டென்ட்' தியேட்டர்களுக்கும் எம்ஜிஆரின் படங்கள் ஒரு நிரந்தர வருமானத்தைப் பெற்றுக் கொடுத்து வந்தது. இப்போது கால மாற்றத்தில் 'டென்ட்' தியேட்டர்கள் இல்லாமல் போனாலும், எம்ஜிஆர் நடித்த படங்கள் டிஜிட்டல் மயமாக்கப்பட்டு தொடர்ந்து வெளியாகி வருகின்றன.
'ஆயிரத்தில் ஒருவன், அடிமைப் பெண்' ஆகிய படங்களைத் தொடர்ந்து மேலும் பல எம்ஜிஆர் படங்கள் டிஜிட்டல் மயமாக்கப்பட்டு வருகின்றன. குறிப்பாக 'உலகம் சுற்றும் வாலிபன், எங்க வீட்டுப் பிள்ளை' ஆகிய படங்கள் டிஜிட்டல் மயமாகி வெளியாக இருக்கின்றன.
இதனிடையே, எம்ஜிஆரின் வாழ்க்கை வரலாறு 'எம்ஜிஆர்' என்ற பெயரிலேயே படமாகி வருகிறது. இன்று எம்ஜிஆரை அனிமேஷன் உருவத்தில் கொண்டு வரும் 'கிழக்கு ஆப்பிரிக்காவில் ராஜு' படத்தை ரஜினிகாந்த் துவக்கி வைக்க உள்ளார். அத்துடன், 'எங்க சாமி எம்ஜிஆர்' என்ற ஒரு படமும் விரைவில் ஆரம்பமாக உள்ளது.
எம்ஜிஆர் மறைந்து 30 ஆண்டுகள் ஆனாலும் திரைப்பட ரசிகர்கள் மத்தியில் அவர் இன்னமும் வாழ்ந்து கொண்டுதான் இருக்கிறார். கட்சி வேறுபாடுகளைக் கடந்து அவரது படங்களை இன்றும் டிவியில் ரசிப்பவர்களும் நிறைய பேர் இருக்கிறார்கள். அதனால்தான், அவருடைய படங்கள் மீண்டும் டிஜிட்டல் வடிவில் வரும் போது கணிசமான வசூலைப் பெறுகின்றன. அது இன்னமும் தொடரத்தான் போகிறது.