ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
2018 பொங்கலுக்கு வெளிவருவதாக கடந்த சில வாரங்களாகவே அறிவிக்கப்பட்டு வந்த படங்கள் “தானா சேர்ந்த கூட்டம், குலேபகாவலி, பாஸ்கர் ஒரு ராஸ்கல், மதுர வீரன், மன்னர் வகையறா”. ஏற்கெனவே அறிவிக்கப்பட்ட இந்த ஐந்து படங்களுடன் தற்போது ஆறாவது படமாக விக்ரம், தமன்னா நடித்துள்ள 'ஸ்கெட்ச்' படமும் இந்தப் போட்டியில் இணைந்துவிட்டது.
முதலில் ஜனவரி வெளியீடு என அறிவிக்கப்பட்டு வந்த இந்தப் படத்தையும் பொங்கலுக்கு வெளியிட முன்னரே திட்டமிட்டிருந்தார்களாம். சென்னையில் உள்ள சென்சார் அதிகாரி மாற்றப்பட்டதைத் தொடர்ந்து, புதிய அதிகாரி பதவியேற்க வருவதற்கான இடைவெளியில் பொங்கல் படங்களை சென்சார் செய்வதில் தாமதம் ஏற்பட்டுள்ளது. அதனாலேயே, சில படங்கள் ஜனவரி வெளியீடு என்று அறிவிக்கப்பட்டு வந்தன.
இதனிடையே 'ஸ்கெட்ச்' படத்தின் சென்சார் நேற்று முடிவடைந்து படத்திற்கு 'யு/ஏ' சான்றிதழும் வழங்கிவிட்டார்கள். அதனால், படத்தை பொங்கல் விடுமுறையை முன்னிட்டு வரும் நான்கு நாட்களைக் கணக்கில் கொண்டு படத்தை வெளியிட முடிவு செய்துள்ளார்கள்.
கடந்த சில வருடங்களாகவே பொங்கலுக்கு ஓரிரு படங்களே வெளிவந்தன. ஆனால், இந்த வருடம் அதிகமான படங்கள் வெளிவரும் சூழ்நிலை உருவாகியுள்ளது. தமிழ்நாட்டில் இருக்கும் 1000 தியேட்டர்களையும் பொங்கலுக்கு வெளியாகும் 6 படங்கள் பிரித்துக் கொள்வதில் சிக்கல் வரலாம். இன்னும் ஒரு வாரம் இருக்கும் நிலையில் இந்தப் போட்டியிலிருந்து சில படங்கள் வெளியேற வேண்டிய கட்டாயம் ஏற்படும்.