ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
சிவகார்த்திகேயன், நயன்தாரா, பகத்பாசில் நடித்த வேலைக்காரன் படம் சமீபத்தில் வெளிவந்தது. மோகன்ராஜா இயக்கி இருந்தார். இந்தப் படத்தில் சினேகா முக்கிய கேரக்டரில் நடித்திருந்தார். தரமற்ற உணவு பொருளால் பிள்ளையை பறிகொடுத்து விட்டு அது தரமற்ற உணவு என்று நிரூபிக்க தானே அந்த உணவை உட்கொண்டு தன்னை வருத்துவதாக அவரது கேரக்டர் இருந்தது.
18 நாட்கள் சினேகாக நடித்துக் கொடுத்தார். ஆனால் படத்தில் வந்தது சில காட்சிகள் தான். இதனால் சினேகா வருத்தமும், கவலையும் அடைந்தார். இந்த நிலையில் காட்சிகள் குறைக்கப்பட்டதற்காக இயக்குனர் மோகன்ராஜா, சினேகாவிடம் மன்னிப்பு கேட்டிருக்கிறார். இதுகுறித்து அவர் கூறியிருப்பதாவது:
சினேகாவின் காட்சிகள் குறைக்கப்பட்ட வருத்தம் எல்லோருக்கும் இருக்கிறது. அவரது காட்சிகள் மட்டுமல்ல வேறு சிலரின் காட்சிகள் நீக்கப்பட்ட வருத்தமும் எனக்கு உண்டு. யாரையும் ஏமாற்ற வேண்டும் என்பதற்காக அப்படிச் செய்யவில்லை. கதைப்படி சினேகாவின் கதை 90 நாள் நடப்பதாக இருக்கும், இதற்காக நிறைய காஷ்ட்யூம் அணிந்து அவர் நடிக்க வேண்டியது இருந்தது.
முகத் தோற்றத்திலும் நிறைய மாறுதல் காட்ட வேண்டியிருந்தது. அவரது காட்சிகள் பெரும்பாலும் மாண்டேஜ் டைப்பிலானது. இதற்காகத்தான் அவர் அதிக நாள் நடிக்க வேண்டியது இருந்தது. ஆனால் இன்றைக்கு அவரது கேரக்டர் தான் முதலில் பேசப்படுகிறது. அவ்வளவு முக்கியத்துவம் வாய்ந்த கேரக்டர், என்றாலும் நாங்கள் தவறு செய்திருப்பதாக சினேகா, கருதினால் மன்னிக்கும்படி கேட்டுக் கொள்கிறேன்.
இவ்வாறு மோகன் ராஜா கூறியிருக்கிறார்.