Dinamalar

தெலுங்கு ரசிகர்களை அடுத்தடுத்து அதிர வைக்கும் அனிருத்

தமிழ்த் திரையுலகில் ஒய் திஸ் கொலவெறி ஒரே பாடல் மூலம் உலக அளவில் பேசப்பட்டவர் அனிருத். தொடர்ந்து பல ஹிட் படங்களில், பல ஹிட் பாடல்களைக் கொடுத்தவர். கடந்த சில வருடங்களாகவே தெலுங்குத் திரையுலகில் அவரை அறிமுகப்படுத்து முயற்சிகள் நடந்து பின்னர் கைவிடப்பட்டன. இப்போது சரியான ஒரு படத்தில் அங்கு அறிமுகமாக உள்ளார். த்ரிவிக்ரம் சீனிவாஸ் இயக்கத்தில், பவன் கல்யாண் நாயகனாக நடிக்கும் அஞ்ஞாதவாசி படத்தில் தெலுங்கில் இசையமைப்பாளராக அறிமுகமாக உள்ளார் அனிருத்.

அப்படத்தின் பைட்டிக்கொச்சி சூஸ்தே... என்ற சிங்கிள் பாடல் கடந்த மாதம் வெளியாகி தெலுங்கு ரசிகர்களிடம் மிகப் பெரும் வரவேற்பைப் பெற்றது. நேற்று அடுத்த சிங்கிள் பாடலான காலி வாலுகா... என்ற பாடலை வெளியிட்டுள்ளார்கள். இந்தப் பாடலையும் அனிருத் பாடியுள்ளார். இப்பாடலும் மிகப் பெரும் வரவேற்பைப் பெற்றுள்ளது.

அது மட்டுமல்ல இன்று காலை காலி வாலுகா.. பாடலின் மற்றொரு வெர்ஷனான பவர் ஸ்டார் பவன் கல்யாணுக்கு ஒரு பாராட்டுரை என்ற வீடியோவை வெளியிட்டுள்ளனர். அந்த பாடல் வீடியோவில் அனிருத் பாடி, ஆடி, நடித்திருக்கிறார். வீடுகள், கடைகள் அடங்கிய ஒரு செட்டில் பல இடங்களில் சுவற்றில், பேனர்களில் பவன் கல்யாண் நடித்த படங்களின், புகைப்படங்கள், போஸ்டர்கள் ஓவியமாகத் தீற்றப்பட்டு, கிராபிக்ஸ் மூலமும் சிறப்பிக்கப்பட்டு வெளியாகியுள்ள அந்தப் பாடலை பவன் கல்யாண் ரசிகர்கள் பாராட்டித் தள்ள ஆரம்பித்துவிட்டார்கள்.

பவன் கல்யாணின் அஞ்ஞாதவாசி பட அறிமுகம் தெலுங்கில் அனிருத்துக்கு அமோக வரவேற்பைத் தரப் போகிறது என்பது மட்டும் இப்போதே தெரிகிறது.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஜூலை மாதத்தில் வெளியாகும் ராயன்
• 
  சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் ...
• 
  மும்பையில் தொடங்கிய குபேராவின் அடுத்தக்கட்ட படப்பிடிப்பு
• 
  அயோத்தி பட இயக்குனரின் அடுத்த பட அப்டேட்
• 
  ரத்னம் படத்திற்கு கட்டப்பஞ்சாயத்து : விஷால் வேதனை