ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
நடிகை அமலா பால் ஒரு கோடியை தாண்டிய மதிப்புள்ள சொகுசு கார் ஒன்றை வாங்கி அதனை போலி ஆவணங்கள் மூலம் புதுச்சேரியில் பதிவு செய்து வரிஏய்ப்பு செய்ததாக புகார் எழுந்தது. இதுகுறித்து விசாரணை நடத்திய எர்ணாகுளம் போக்குவரத்து துறை அதிகாரிகள், கார் பதிவின் ஆவணங்களுடன் நேரில் ஆஜராகுமாறு சம்மன் அனுப்பினார்.
ஆனால், அமலாபாலுக்கு பதிலாக அவரது வழக்கறிஞர் ஆஜராகி ஆவணங்களை ஒப்படைத்தார். அந்த ஆவணங்களில் புதுச்சேரியில் குடியிருப்பதாக வழங்கிய ஆவணம் மட்டும் போலியானது என்று கண்டுபிடிக்கப்பட்டது. இது குறித்து அமலாபாலே நேரில் வந்து விளக்க வேண்டும் என்று அதிகாரிகள் மீண்டும் சம்மன் அனுப்பினர்.
ஆனால் அஜராக மறுத்த அமலாபால், "நான் ஒரு இந்திய பிரஜை இந்தியா முழுவதும் சுற்றித் திரிகிறவள். நான் வாங்கிய காரை எந்த மாநிலத்திலும் பதிவு செய்ய எனக்கு உரிமை உண்டு. இந்த ஆண்டு மட்டும் ஒரு கோடி ரூபாய்க்கு மேல் வரி செலுத்தியிருக்கும் என்னை இப்படி டார்ச்சர் செய்யலாமா. என் பெயரை விளம்பரத்துக்காக பயன்படுத்துகிறார்கள்" என்று தெரிவித்தார்.
இந்த நிலையில் அமலா பால் மீது வழக்கு பதிவு செய்து நடவடிக்கை எடுக்குமாறு கேரள போக்குவரத்து துறை ஆணையாளர் அனில்காந்த் கொச்சி குற்றப்பிரிவு ஐஜி ஸ்ரீஜித்துக்கு உத்தரவிட்டுள்ளார். அமலாபால் மீது வழக்கு பதிவு செய்யப்பட்டால் அவர் கைது செய்யப்படவும் வாய்ப்பிருப்பதாக கூறப்படுகிறது.