ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தமிழ்த் திரையுலகத்தில் இதுவரை எந்த ஒரு படத் தயாரிப்பாளரும் அவர்களது படங்களின் வசூல் எவ்வளவு என்பதைப் பற்றி அறிவித்ததே இல்லை. இருந்தாலும் படத்தை ஓட வைக்கவும், அந்தந்த பட நாயகர்களின் திருப்திக்காகவும் சில பல வழிகளில் ஒரு தொகையைப் பரப்புவது வழக்கம். அப்படித்தான் பல படங்களின் வசூல் நிலவரங்களின் விவரங்கள் வெளிவருகின்றன.
சில சமயங்களில் வினியோகஸ்தர்கள் மூலமாகவும், மீடியேட்டர்கள் மூலமாகவும் சில படங்களின் வசூல் விவரம் வெளியிடப்படுகின்றன. இருந்தாலும் எதையும் நாம் அதிகாரப்பூர்வமானவை என்று எடுத்துக் கொள்ள முடியாது.
தமிழில் இதுவரை அதிக வசூலைப் பெற்ற படம் என 'எந்திரன்' படத்தின் வசூல் தொகைதான் முதலிடத்தில் உள்ளது. அந்தத் தொகையை 'மெர்சல்' படம் முறியடிக்குமா என்பது சந்தேகம்தான்.
கடந்த சில நாட்களாகவே தென்னிந்திய அளவில் அதிக வசூலைப் பெற்ற படங்கள் என ஒரு கணக்கு சமூக வலைத்தளங்களில் சுற்றிக் கொண்டிருக்கிறது. அவை உண்மையா என்பதைப் பற்றி சம்பந்தப்பட்ட தயாரிப்பாளர்கள் தான் சொல்ல வேண்டும். இருந்தாலும், அந்த 10 படங்கள் எவை, அவற்றின் தோராயமான வசூல் எவ்வளவு என்பது...கீழே...
1. பாகுபலி 2 - தமிழ், தெலுங்கு, ஹிந்தி, மலையாளம் - 1700 கோடி
2. பாகுபலி - தமிழ், தெலுங்கு, ஹிந்தி, மலையாளம் - 600 கோடி
3. எந்திரன் - தமிழ், தெலுங்கு, ஹிந்தி - 289 கோடி
4. கபாலி - தமிழ், தெலுங்கு, ஹிந்தி - 286 கோடி
5. மெர்சல் - தமிழ், தெலுங்கு - 240 கோடி (இன்னமும் திரையில்)
6. ஐ - தமிழ், தெலுங்கு, ஹிந்தி - 239 கோடி
7. கைதி நம்பர் 150 - தெலுங்கு 164 கோடி
8. சிவாஜி - தமிழ், தெலுங்கு, ஹிந்தி - 155 கோடி
9. லிங்கா - தமிழ், தெலுங்கு, ஹிந்தி - 154 கோடி
10. மகதீரா - தமிழ், தெலுங்கு, மலையாளம் - 150 கோடி
இந்த பத்து படங்களில் 'எந்திரன், கபாலி, மெர்சல், ஐ, சிவாஜி, லிங்கா' ஆகிய 6 படங்கள் இடம் பெற்றுள்ளது. அதில் நான்கு படங்கள் ரஜினிகாந்த் நடித்துள்ள படங்கள்.
'மெர்சல்' படம் இந்த வாரம் ஓடி முடிந்தாலும் 250 கோடியை மட்டுமே கடக்குமே தவிர 'கபாலி' வசூலை முறியடிக்க முடியுமா என்பது சந்தேகம்தான்.
தென்னிந்திய அளவில் அடுத்த மிகப் பிரம்மாண்ட படைப்பாக ரஜினிகாந்த் நடித்துள்ள '2.0' படம் வெளிவர உள்ளது. அந்தப் படத்தின் வசூல் சாதனை எப்படியிருக்கப் போகிறது என்பதுதான் பலரின் கேள்வி.