Dinamalar

காலா - லைகா ஏன்?

'கபாலி' படத்திற்குப் பிறகு பா. ரஞ்சித் இயக்கத்தில் ரஜினிகாந்த் நடித்து வரும் படம் 'காலா'. மும்பை, சென்னையில் நடைபெற்ற இப்படத்தின் படப்பிடிப்பு ஏறக்குறைய முடிந்துவிட்டது.

தற்போது இறுதிக் கட்டப் பணிகள் ஆரம்பமாகி நடந்து வருகின்றன. 'காலா' படம் ரஜினிகாந்த் நடிதுள்ள '2.0' படம் வெளிவந்த பின், அடுத்த வருட கோடை விடுமுறையில்தான் வெளிவர உள்ளது.

ரஜினிகாந்த் நடித்து வரும் '2.0' படத்தைத் தயாரித்து வரும் லைகா புரொடக்ஷன்ஸ் நிறுவனம் 'காலா' படத்தின் உரிமையை வாங்க தற்போது பேச்சு வார்த்தை நடத்தி வருவதாகத் தகவல்கள் வெளியாகியுள்ளன. '2.0' படத்தை சுமார் 400 கோடி ரூபாய் செலவில் தயாரித்து வரும் இந்நிறுவனம் உலகம் முழுவதும் உள்ள திரைப்பட ரசிகர்களிடம் படத்தைக் கொண்டு சேர்க்க பல கோடிகளை வாரியிறைத்து வருகிறது. 2.0 படம் உலக அளவில் எண்ணற்ற தியேட்டர்களில் வெளியிடும் வேலைகள் ஏற்கெனவே ஆரம்பமாகிவிட்டன.

'2.0' படம் வெளிவந்த பின் 'காலா' படம் வெளியாக இருப்பதால், '2.0' படம் அளவிற்கு இல்லையென்றாலும் அதில் பாதி அளவிலான தியேட்டர்களில் வெளியானால் தான் ரஜினிகாந்த்திற்கும் ஒரு மரியாதையாக இருக்கும். 'காலா' படம் '2.0' படம் அளவிற்கு 400 கோடி, பிரம்மாண்டத் தயாரிப்பு இல்லை என்றாலும் அந்தப் படமும் 'கபாலி' போலவே வேறு ஒரு தளத்தில் இருக்கும். எனவே, லைக்கா நிறுவனமே 'காலா' படத்தை வெளியிட்டால் அது உலக அளவில் சென்று சேரும் என்று படத்தின் தயாரிப்பாளர் தனுஷ் நினைக்கிறாராம். எனவே, 'காலா' படமும் லைக்கா வசம் கை மாற வாய்ப்புகள் அதிகம் என்கிறார்கள்.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...