Dinamalar

ஆர்.கண்ணன் இயக்கத்தில் அதர்வா

சில மாதங்களுக்கு முன் வெளியான படங்களில் ரசிகர்கள் மத்தியில் பரவலான வரவேற்பைப் பெற்ற படம் 'இவன் தந்திரன்'. கௌதம் கார்த்திக் கதாநாயகனாக நடிக்க ஆர். கண்ணன் இயக்கி தயாரித்த இந்த படம் வெளியான சில நாட்களிலேயே தியேட்டர் ஸ்டிரைக் அறிவிக்கப்பட்டது. எனவே இவன் தந்திரன் படத்தின் வெற்றி பறிக்கப்பட்டது. அதே நேரம், சுமார் 4 கோடி வசூல் செய்து முதலுக்கு மோசமில்லை என்றளவில் ஓடியது.

இவன் தந்திரன் படத்தை தொடர்ந்து, அதர்வாவை வைத்து ஒரு படத்தை இயக்கவிருக்கிறார் ஆர்.கண்ணன். இந்த படத்தின் ஸ்கிரிப்ட் வேலைகளில் பிசியாக இயங்கி வரும் ஆர். கண்ணன் இந்த படத்தின் படப்பிடிப்பை வரும் ஜனவரியில் துவங்கவிருக்கிறார். முதல் ஷெட்யூல் படப்பிடிப்பு திருநெல்வேலியில் துவங்கி, தொடர்ந்து சென்னையில் நடைபெறவிருக்கிறது.

ஆக்ஷன் கலந்த த்ரில்லர் கதையான இந்த படத்திற்கு சமீபத்தில் தெலுங்கில் வெளியாகி பெரும் வெற்றிபெற்ற 'அர்ஜுன் ரெட்டி' படத்திற்கு இசை அமைத்த ரதான் இசை அமைக்கவிருக்கிறார். பிரசன்னா ஒளிப்பதிவு செய்கிறார்.

இப்படத்தின் கதாநாயகிக்கான தேர்வு நடந்து வருகிறது. அதர்வா கைவசம் இப்போது 'இமைக்கா நொடிகள்', 'செம போத ஆகாத', 'ஒத்தைக்கு ஒத்த' ஆகிய படங்கள் இருக்கின்றன. இவற்றில் 'இமைக்கா நொடிகள்', 'செம போத ஆகாத' படங்கள் இந்த வருடத்துக்குள் வெளியாக வாய்ப்புள்ளன.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...