மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
தியேட்டர் டிக்கெட் கட்டணங்கள் மீதான கேளிக்கை வரி விதிப்பு 10 சதவீதம் என தமிழ்நாடு அரசு அறிவித்தது. அதற்கு திரையுலகத்தைச் சார்ந்த சங்கங்கள் எதிர்ப்பு தெரிவித்தனர். இதனால் புதிய படங்களை வெளியிட மாட்டோம் என தயாரிப்பாளர் சங்கம் அறிவித்து இரண்டு வாரங்களாக படங்கள் எதுவும் வெளியாகமல் இருந்தன.
கேளிக்கை வரியை குறைப்பது தொடர்பாக சில தினங்களாக அரசுடன் தமிழ்த் திரையுலகச் சங்கங்கள் பேச்சு வார்த்தை நடத்தி வந்தன. அதில் 2 சதவீதம் கேளிக்கை வரியை குறைக்க தமிழக அரசு ஒப்புதல் அளித்துள்ளது. இனி தியேட்டர்களில் டிக்கெட் கட்டணம் அரசு நிர்ணயித்த டிக்கெட் கட்டணத்துடன் சேர்த்து 28 சதவீதம் ஜிஎஸ்டியும், 8 சதவீதம் கேளிக்கை வரியும் வசூலிக்கப்படும்.
அரசுடனான சந்திப்பிற்கு பிறகு செய்தியாளர்களிடம் பேசிய விஷால், அரசு விதித்த டிக்கெட் கட்டணத்தை விட ஒரு ரூபாய் கூட தியேட்டர் உரிமையாளர்கள் விற்க கூடாது. தின்பண்டங்களின் விலையில் எம்ஆர்பியில் என்ன விலை போடப்பட்டுள்ளதோ அந்த விலைக்கே விற்க வேண்டும். மீறுபவர்கள் மீது உரிய நடவடிக்கை எடுக்கப்படும். கேளிக்கை வரியை 2 சதவீதம் குறைத்த தமிழக அரசுக்கு நன்றி என்றார்.
தற்போதைய நிலவரப்படி, சென்னையில் அதிகபட்சமாக மல்டிபிளக்ஸ் தியேட்டர்களில் இனி ரூ.190 டிக்கெட் கட்டணம் வசூலிக்கப்படும், ஆன்லைன் என்றால் மேலும் ரூ.30 அதிகரிக்கும். மற்ற ஊர்கள் மற்றும் தியேட்டர்களுக்கு ஏற்ப இந்த கட்டணத்தில் மாற்றம் இருக்கும்.