ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ராம் இயக்கத்தில் ஆண்ட்ரியா, அஞ்சலி, வசந்த் ரவி நடித்த படம் தரமணி. ஜே.எஸ்.கே பிலிம் கார்பரேஷன் சார்பில் ஜே.சதீஷ்குமார் தயாரித்திருந்தார். 3 வருடங்களுக்கு மேல் தயாரிப்பில் இருந்த இந்தப் படம், கடந்த ஆகஸ்ட் மாதம் 11ந் தேதி வெளிவந்தது. நல்ல வரவேற்பை பெற்ற இந்தப் படம் பெரிய அளவில் வசூலை குவிக்கவில்லை என்றாலும் தயாரிப்பாளர்களுக்கு சிறிய அளவிலான லாபத்தை கொடுத்தது.
தரமணிக்கு பிறகு சில பெரிய படங்கள் வந்ததால் அப்போது தரமணியை தூக்கி விட்டு புதிய படங்களை போட்டார்கள். இயக்குனர் ராம் இதனை அப்போது வருத்தத்துடன் தெரிவித்திருந்தார். இப்போது தமிழக அரசின் 10 சதவிகித கேளிக்கை வரியை கண்டித்து புதிய படங்களை வெளியிட மாட்டோம் என்ற தயாரிப்பாளர் சங்கத்தின் அறிவிப்பால் தியேட்டர்களில் திரையிட புதிய படங்கள் எதுவும் இல்லை.
இந்த நிலையில் தரமணி படத்தை இன்று முதல் மீண்டும் வெளியிட்டிருக்கிறார் தயாரிப்பாளர் ஜே.எஸ்.கே.சதீஷ்குமார். சென்னையில் தேவி, மாயாஜால், வேளச்சேரி லக்ஸ், ஓ.எம்.ஆர், டி.நகர் ஏஜிஎஸ், கோயம்பேடு ரோகிணி தியேட்டர்களில் மறு வெளியீடு செய்யப்பட்டிருக்கிறது. தமிழ்நாடு முழுவதும் 60 தியேட்டர்களில் மறு வெளியீடு செய்யப்பட்டிருக்கிறது.