ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
விவேகம் படத்திற்கு இருவிதமான விமர்சனங்கள் வந்தாலும், படத்திற்கு வெளியான நெகட்டிவ் விமர்சனங்கள் படத்தின் வசூலை நன்றாகவே பாதித்தன. ஹாலிவுட் ஸ்டைலில் படத்தின் டீசரை மட்டும் வெளியிட்ட இயக்குனர் சிவா, படத்தில் பல லாஜிக் ஓட்டைகளை வைத்து பலரும் படத்தை விமர்சிக்கும் நிலைக்குக் கொண்டு வந்துவிட்டார். அதோடு, படத்தின் தயாரிப்பாளர் அவருடைய முந்தைய தோல்விப் படங்களான தொடரி, சத்ரியன் ஆகியவற்றின் பாதிப்பில் இருந்ததால், விவேகம் வெளியீட்டின் போது அந்தப் படங்களின் நஷ்டங்களையும் சரிக்கட்டியிருக்கிறார். இதனால், சில ஏரியாக்களில் விவேகம் படத்தை அவரே சொந்தமாக வெளியிட வேண்டிய சூழ்நிலை உருவானது. படத்திற்கும் ஆரம்ப நாட்களில் இருந்த வசூல் போகப் போகக் குறைந்ததால் படத்திற்கு நஷ்டம் வரும் சூழ்நிலை தற்போது உருவாகியுள்ளது.
விவேகம் படத்தின் ரிசல்ட் திரையுலக வட்டாரங்களில் பரவிவிட்டதால் அது மெர்சல் படத்தின் வினியோகத்திற்கும் ஒரு முட்டுக்கட்டையைப் போட்டுள்ளது. படத்திற்கு அதிக விலை கொடுத்து வாங்க வினியோகஸ்தர்கள் தயாராக இல்லை என்று சொல்லப்படுகிறது. விவேகம் படத்தை விட மெர்சல் படத்தின் பட்ஜெட் அதிகம் என்கிறார்கள். அதனால், மெர்சல் படத்தின் வியாபார விலை நிச்சயம் அதிகமிருக்கும். ஆகவே, எதற்கு தேவையில்லாத பிரச்சனைகளை வளர்த்துக் கொள்வது என நினைத்த மெர்சல் தயாரிப்பாளர்கள் படத்தை சொந்தமாகவே அனைத்து ஏரியாக்களிலும் வெளியிட முடிவு செய்துள்ளார்களாம். தொடர்ந்து அவர்கள் பல பெரிய படங்களை கைவசம் வைத்திருப்பதால் அவர்களால் எதனையும் சமாளிக்க முடியும் என்பதே அதற்குக் காரணம்.