ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
திரையுலக நட்சத்திரங்கள் அனைவருக்குமே மக்கள் மனதில் நிரந்தர இடம் பிடிக்க வேண்டும் என முயன்று கொண்டிருக்கிறார்கள். அனைவருக்குமே அப்படி ஒரு வாய்ப்பு கிடைத்துவிடாது. ஒரு சிலர் மட்டுமே என்ன ஆனாலும் சரி, ரசிகர்களின் மனதில் இருந்து நீங்காத இடத்தைப் பிடித்திருப்பார்கள். அப்படி மக்கள் மனதில் நிரந்தர இடம் பிடித்த தலைவர்களுள் எம்ஜிஆர் ஒருவர். திரையுலக ரசிகர்கள் மனதில் நிரந்தர இடம் பிடித்த நடிகர்களுள் ரஜினிகாந்த் ஒருவர்.
ஆனால், ரஜினிகாந்த்தையும் தாண்டி இன்று ஓவியா, மிகவும் பிரபலமாகி மக்கள் மனதில் ஒரு நிரந்தர இடத்தைப் பிடித்து விட்டாரோ என்று எண்ணத் தோன்றுகிறது. இத்தனைக்கும் அவர் சூப்பர் ஹிட் படங்கள் கொடுக்கவில்லை. பிக் பாஸ் என்ற ஒரே ஒரு டிவி நிகழ்ச்சியில் மட்டுமே கலந்து கொண்டார். நிகழ்ச்சி ஆரம்பமான சில நாட்களில் நிகழ்ச்சியை நடத்திக் கொண்டிருக்கும் கமல்ஹாசனையும் மிஞ்சும் அளவிற்கு புகழ் பெற்றார். நிகழ்ச்சியை விட்டு அவர் விலகினாலும், இன்னமும் ஓவியா பற்றி பிக் பாஸ் வீட்டில் பேசிக் கொண்டுதானிருக்கிறார்கள். மக்களும் ஓவியா பற்றி அவர்களது கருத்துக்களைப் பகிர்ந்து கொண்டுதான் இருக்கிறார்கள்.
இதற்கு சரியான உதாரணம் நேற்று நடந்திருக்கிறது. பிக் பாஸ் வீட்டில் இருந்து வெளியேறிய பின் நேற்று முதல் முறையாக ஓவியா டுவிட்டரில் வந்து ஒரு பதிவைப் போட்டார். அந்தப் பதிவிற்கு 24 மணி நேரத்திற்குள்ளாக 43 ஆயிரம் லைக்குகளும், 13 ஆயிரம் ரிடுவீட்டுகளும், 7700 கமெண்ட்டுகளும் இதுவரை கிடைத்துள்ளன.
அதே சமயம், டுவிட்டரில் ரஜினிகாந்த் '2.0' மேக்கிங் வீடியோவை ஷேர் செய்ததற்கு அவருக்கு 28 ஆயிரம் லைக்குகளும், 8800 ரீ-டுவீட்டுகளும், 2200 கமெண்ட்டுகளும் மட்டுமே இதுவரை கிடைத்துள்ளன.
இப்போதெல்லாம் சமூக வலைத்தள கணக்குகள் தான் சாதனையாகவும், ஒருவரைப் பற்றிய தனி அடையாளத்தையும் கொடுக்கின்றன. அந்த விதத்தில் பார்த்தால் இப்போதைக்கு ரஜினிகாந்தை விட ஓவியாவுக்குத்தான் மவுசு அதிகம் என்பது மறுக்க முடியாத உண்மை.