மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
பலத்த எதிர்பார்ப்புகளுக்கிடையில் போன வாரம் 24ம் தேதியன்று 'விவேகம்' படம் வெளியானது. அஜித் இதற்கு முன்பு நடித்து வெளிவந்த படங்களைக் காட்டிலும் இந்தப் படத்திற்கு அதிக எதிர்பார்ப்பு ஏற்பட்டது. படம் வெளியானதும் முதல் காட்சியைப் பார்க்க அஜித் ரசிகர்கள் பேரார்வம் காட்டினார். அதனால் ஆயிரம் ரூபாய் வரை டிக்கெட் விற்றாலும் கூட அதைப் பற்றிக் கவலைப்படாமல் வாங்கிப் பார்த்தனர். விடியற்காலை காட்சிகளும் பல தியேட்டர்களில் நடைபெற்றது.
முதல் நாள் வசூலாக பலரும் 17 கோடி ரூபாய் வரை சொன்னாலும் காலையில் விற்கப்பட்ட 1000 ரூபாய் டிக்கெட் கட்டணங்களையும் சேர்த்து கணக்கிட்டால் முதல் நாள் வசூல் 20 கோடியைத் தொட்டிருக்கும் என்கிறார்கள். தொடர்ந்து வந்த மூன்று விடுமுறை தினங்களிலும் இப்படத்தின் தமிழ்நாடு வசூல் சராசரியாக 15 கோடிக்கு இருந்ததால் நான்கு நாட்களில் சுமார் 55 கோடி முதல் 60 கோடி வரை வசூலித்திருக்கும் என்ற தகவல் திரையுலக வட்டாரங்கள் மூலம் கிடைத்தது.
தெலுங்கில் டப்பிங் செய்யப்பட்டு வெளியான இந்தப் படம் ஆந்திரா, தெலுங்கானா மாநிலங்களிலும் அஜித்தின் முந்தைய படங்களை விட ஓரளவிற்கு வரவேற்பைப் பெற்றுள்ளது. கர்நாடகா, கேரளா ஆகிய மாநிலங்களில் நல்ல வசூலைக் கொடுத்துள்ளதால் அங்கு படம் வசூல் ரீதியாக தப்பித்துவிடும் என்கிறார்கள்.
வெளிநாடுகளில் பொதுவாக அஜித்தின் படத்திற்கு நல்ல வரவேற்பு இருக்கும். அது இந்தப் படத்திலும் இன்னும் அதிகமாகத் தொடர்ந்துள்ளது. வெளிநாடுகளில் அமெரிக்காவில் மட்டும் 3 கோடிக்கும் அதிகமாக வசூலித்துள்ளது. மலேசியா, சிங்கப்பூர், இலங்கை ஆகிய நாடுகளில் தமிழர்கள் அதிகம் வசிப்பதால் படத்திற்கு அங்கெல்லாம் நல்ல வசூல் கிடைத்துள்ளது. மூன்று நாடுகளிலும் சேர்த்து சுமார் 11 கோடி வரை வசூலித்துள்ளது.
ஐரோப்பா, ஆஸ்திரேலியா, அரபு நாடுகளில் குறிப்பிடத்தக்க வசூலைப் பெற்றுள்ளது. மொத்தமாக உலக நாடுகளையும் சேர்த்தால் முதல் நான்கு நாட்களுடன் முடிந்த முதல் வார இறுதியில் 'விவேகம்' படம் 105 கோடி முதல் 110 கோடி வரை வசூலித்திருக்கலாம் என்று சொல்லப்படுகிறது.
இன்று முதல் ஆரம்பமாகும் வார நாட்களிலும், வரும் வார இறுதி நாட்களிலும் வசூலாகும் தொகையைப் பொறுத்தே இப்படத்தின் பாக்ஸ் ஆபீஸ் வெற்றி நிர்ணயிக்கப்படும்.