ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஒவ்வொரு பெரிய நடிகரின் படம் வரும் போதும் அந்தப் படங்கள் பற்றிய விமர்சனங்கள் எதிர்மறையாக வருவதும், அதே சயமம் வசூலும் குறிப்பிடத்தக்க அளவில் இருப்பதும் தொடர்கதையாகி வருகிறது. அந்த நிலைமை தற்போது 'விவேகம்' படத்திற்கும் வந்திருக்கிறது. இரண்டு நாட்களுக்கு முன்பு வெளிவந்த 'விவேகம்' படத்தை சமூக வலைத்தளங்களில் பலரும் கடுமையாக விமர்சித்து வருகிறார்கள்.
பெரும் ரசிகர் கூட்டத்தைத் தன் பக்கம் வைத்திருக்கும் அஜித் போன்ற ஒரு நடிகர் துளியும் 'லாஜிக்' இல்லாத ஒரு படத்தில் நடித்திருக்கிறாரே, எதிரிகள் சூழ்ந்து நின்று கொல்ல வரும் சமயத்தில் கூட 'பன்ச்' டயலாக் பேசிக் கொண்டிருக்கிறாரே என கமெண்ட் அடித்து வருகிறார்கள். மேலும், படம் பற்றி பலர் விமர்சித்த நிலையில் இந்த விமர்சனங்கள் திரையுலகில் ஒரு சர்ச்சையாக எழுந்துள்ளது.
ஒரு படத்தைப் பற்றி எந்த விதமான பகுப்பாய்வும் இல்லாத நிலையில் தங்களை விமர்சகர்கள் என சொல்லிக் கொண்டுத் திரியும் சிலரை திரையுலகினர் கடுமையாக எதிர்த்து வருகிறார்கள். ஆனால், அப்படிப்பட்ட ஆட்களை திரையுகினர் சிலரும் ஆதரவு கொடுத்து வளர்த்து வருகிறார்கள் என்ற குற்றச்சாட்டும் உள்ளது.
இருந்தாலும் விமர்சனங்களை மீறி 'விவேகம்' படம் முதல் இரண்டு நாட்களில் 50 கோடி வரை வசூலித்துள்ளதாக சிலர் தெரிவிக்கிறார்கள். 'கபாலி' படத்திற்கடுத்து 'விவேகம்' படம் வசூலில் பல ஏரியாக்களில் இரண்டாவது இடத்தைப் பிடித்துள்ளது என்கிறார்கள். அதிகாரப்பூர்வமாக யாரும் வசூல் நிலவரங்களைத் தெரிவிக்காத நிலையில் எந்த ஆதாரத்துடன் இப்படிப்பட்ட வசூல் தொகைகள் வெளியாகிறது என்பது நடுநிலையாளர்களுக்கு சந்தேகமாக இருக்கிறது. படத்தின் தயாரிப்பாளரோ, வினியோகஸ்தர்களோ சொன்னால்தான் படத்தின் உண்மையான வெற்றி என்னவென்பது தெரிய வரும்.
'லிங்கா' படம் வசூலிக்கவில்லை என்பதை அப்படத்தின் வினியோகஸ்தர்களே அறிவித்து பல கோடி ரூபாய் நஷ்டத்தைக் கேட்டார்கள். ஆனால், லாபம் வந்தால் யாரும் வாயைத் திறப்பதில்லை. 'விவேகம்' படம் லாபம் என்றால் சத்தம் வெளியில் கேட்காது, அதே நஷ்டம் என்றால் இன்னும் சில நாட்களில் வினியோகஸ்தர்களின் ஆடியோ ஏதாவது ஒரு வாட்ஸ்-அப் குழுவில் பரவ ஆரம்பிக்கும். அதுவரை, பொறுத்திருக்கும் குணம் ரசிகர்களிடம் இருக்குமா...?.