ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
சிவா இயக்கத்தில் அஜித், காஜல் அகர்வால், அக்ஷ்ராஹாசன், விவேக் ஓபராய் மற்றும் பலர் நடித்துள்ள 'விவேகம்' படம் அடுத்த வாரம் 24ம் தேதி உலகம் முழுவதும் வெளியாகிறது. இப்படத்தை தெலுங்கிலும் டப்பிங் செய்து அதே தேதியில் வெளியிட உள்ளார்கள். தெலுங்கு டீசர் கூட சுமார் ஒரு மாதங்களுக்கு முன்பு வெளியிடப்பட்டது. ஆனால், பெரிய வரவேற்பைப் பெறவில்லை. இதுவரை யு டியுபில் சுமார் 10 லட்சம் பார்வைகள் மட்டுமே கிடைத்துள்ளது. சூர்யா, கார்த்தி, தனுஷ், ஏன் விஜய் ஆண்டனி ஆகியோருக்குக் கிடைத்த வரவேற்பு கூட இன்னும் அஜித், விஜய் நடித்த தெலுங்கு டப்பிங் படங்களுக்குக் கிடைக்கவில்லை.
அதற்கு உதாரணமாக 'விவேகம்' தெலுங்கு டீசருக்கு யு டியுபில் கிடைத்த வரவேற்பையும், தனுஷ் நடித்து தெலுங்கில் வெளியாக உள்ள 'வேலையில்லா பட்டதாரி 2' படத்தின் தெலுங்கு டீசருக்குக் கிடைத்த வரவேற்பையும் பார்த்தே தெரிந்து கொள்ளலாம். 'விஐபி 2' தெலுங்கு டீசர் யு டியூபில் இதுவரை 89 லட்சம் பார்வைகளைப் பெற்றுள்ளது. தனுஷ் நடித்த 'வேலையில்லா பட்டதாரி' படத்தின் தெலுங்கு டப்பிங் அங்கு 'ரகுவரன் பி.இ.,' என்ற பெயரில் வெளியாகி நல்ல வசூலைப் பெற்றது. அதனால், அதன் இரண்டாம் பாகமான 'விஐபி 2' படத்திற்கும் நல்ல வரவேற்பு கிடைத்து வருகிறது.
தமிழில் கடந்த வாரம் 'விஐபி 2' வெளியான போதே தெலுங்கில் வெளியாக வேண்டியது. ஆனால், அன்று மூன்று நேரடித் தெலுங்குப் படங்கள் வெளியானதால் 'விஐபி 2' வெளியீட்டைத் தள்ளி வைத்தார்கள். இப்போது படத்தை அடுத்த வாரம் 25ம் தேதி வெளியிட முடிவு செய்துள்ளார்களாம். அப்போது படம் வெளிவந்தால் அஜித் நடித்துள்ள 'விவேகம்' படத்திற்கும் 'விஐபி 2' படத்திற்கும் நேரடி மோதல் உருவாகும். தெலுங்கு ரசிகர்கள் அஜித்தை விட தனுஷுக்கு அதிக வரவேற்பு கொடுப்பதால் 'விஐபி 2' நல்ல வெற்றியைப் பெறும் என டோலிவுட்டில் சொல்கிறார்கள்.