ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
தமிழ் சினிமாவையும், பாடல்களையும் பிரிக்கவே முடியாது. வேறு எந்த மொழியிலாவது இந்த அளவிற்கு வித்தியாசமான பாடல்களின் படைப்புகள் வந்திருக்குமா என்பது ஆச்சரியம்தான். எம்.கே.தியாகராஜ பாகவதர் காலத்திலிருந்து இன்று வரை தமிழ்த் திரையிசை என்பது தனித்து இயங்கி வருகிறது.
ஒவ்வொரு காலகட்டத்திலும் ஒவ்வொரு இசையமைப்பாளர்களில் தமிழ்த் திரையிசை புது வடிவம் பெற்றுக் கொண்டே வந்திருக்கிறது. இளையராஜாவின் இனிமையான இசையில் மூழ்கிப் போயிருந்த ரசிகர்களுக்கு ஒரு புதிய இசைப் புயலாய் 'ரோஜா' படத்தின் மூலம் அறிமுகமானவர் ஏ.ஆர்.ரகுமான்.
1992ம் ஆண்டு ஆகஸ்ட் 15ம் தேதி வெளியான 'ரோஜா' படம் தமிழில் மிகப் பெரும் வரவேற்பைப் பெற்றது. படத்தில் இடம் பெற்ற பாடல்கள் அனைத்துமே ரசிகர்களுக்கு ஒரு புதிய அனுபவத்தைக் கொடுத்து. அதுவரை கேட்டிருக்காத இசையும், அழகான வரிகளும் ரசிகர்களை சிறகடித்து பறக்க வைத்தது.
'சின்னச் சின்ன ஆசை'யாக ஆரம்பித்த ஏ.ஆர்.ரகுமானின் இசைப் பயணம் இன்று பல மொழிகள், பல நாடுகள் கடந்து உலகம் முழுவதும் ஒலித்துக் கொண்டிருக்கிறது. 'மொசார்ட் ஆப் சென்னை' என அவரை உலகப் புகழ் பெற வைத்ததோடு மட்டுமல்லாமல் ஆஸ்கர் நாயகன் என்று கொண்டாடும் அளவிற்கு ஆஸ்கர் விருதையும் பெற்று வர வைத்தது.
தமிழ், மலையாளம், தெலுங்கு, கன்னடம், ஹிந்தி, ஆங்கிலம், மான்ட்ரீன் என அவரது இசை எல்லைகள் விரிவடைந்தன. ஒவ்வொரு வருடமும் குறைவான படங்களுக்கு இசையமைத்தாலும் அனைத்துமே இசையால் நிறைவான படங்களாக இருக்கின்றன. புதுப் புதுக் கவிஞர்கள், புதுப் புது பாடகர்கள், பாடகிகள் என திறமைகளை அடையாளம் கண்டு அவர்களுக்கும் வாய்ப்புகளை வழங்கியிருக்கிறார்.
'ரோஜா' முதல் 'மெர்சல்' வரை அவருடைய இசைப் பயணம் பல தடங்களைத் திரையுலகில் பதித்துள்ளது. ஆனால், ஒரே ஒரு குறை, பெரிய இயக்குனர்கள், பெரிய ஹீரோக்கள் ஆகியோரின் படங்களுக்கு மட்டுமே தமிழில் அதிகம் இசையமைத்துள்ளார். சிறிய படங்களாக இருந்தாலும் சிறந்த படங்களுக்கு இசையமைத்தால் அவருடைய இசையால் இன்னும் பல திறமைசாலிகள் இந்தத் திரையுலகத்திற்கு அடையாளம் காட்டப்படுவார்கள்.
இருபத்தைந்து வருடங்களில் செய்யாத இந்த ஒன்றை இனியாவது அவர் செய்தால் வளரத் துடிக்கும் பல இளம் இயக்குனர்கள் மிகவும் மகிழ்ச்சியடைவார்கள்.