ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
இந்தியத் திரையுலகில் வசூலில் பெரும் சாதனை படைத்த படம் 'பாகுபலி 2'. ராஜமௌலி இயக்கத்தில் பிரபாஸ், ராணா, அனுஷ்கா மற்றும் பலர் நடித்த இந்தப் படம் 100 நாட்களைக் கடந்து வெற்றிகரமாக ஓடிக் கொண்டிருக்கிறது. இப்படத்தின் முதல் பாகத்தின் சாட்டிலைட் தொலைக்காட்சி உரிமையை ஸ்டார் மா டிவி வாங்கி படம் வெளிவந்த சில மாதங்களில் ஒளிபரப்பியது. மிகப் பெரும் ரேட்டிங்கை அந்தப் படம் பெற்றது. 'பாகுபலி 2' படத்தின் சாட்டிலைட் தொலைக்காட்சி உரிமையையும் நல்ல விலை கொடுத்து ஏற்கெனவே வாங்கிவிட்டது. இப்படம் ஸ்டார் மா டிவியில் விரைவில் ஒளிபரப்பாகும் என கடந்த மாதமே அறிவிப்பு வெளியானது.
வரும் சுதந்திர தினமான ஆகஸ்ட் 15ம் தேதி ஒளிபரப்ப உள்ளார்களா அல்லது அதற்கு அடுத்த வாரம் வினாயகர் சதுர்த்தி அன்று ஒளிபரப்ப உள்ளார்களா என்பது குறித்து விரைவில் அறிவிப்பு வெளிவர உள்ளது. படத்தின் 100வது நாள் அன்றும் ஸ்டார் மா டிவியில் சிறப்பு நிகழ்ச்சி ஒன்றை ஒளிபரப்பினார்கள்.
இதனிடையே, இப்படத்தின் இணையதள உரிமைக்கு மூன்று முன்னணி இணைய திரைப்பட ஒளிபரப்பு நிறுவனங்கள் போட்டியிட்டன. அவற்றில் நெட்பிளிக்ஸ் நிறுவனம் பெரிய விலை கொடுத்து படத்தை வாங்கியுள்ளது. அந்த தளத்தில் தமிழ், ஹிந்தி, மலையாளம் ஆகிய படங்களை பதிவேற்றியுள்ளார்கள். ஸ்டார் மா டிவியில் தெலுங்கு மொழிப் படம் ஒளிபரப்பான பிறகு இணையத்தில் பதிவேற்ற உள்ளார்களாம். டோலிவுட்டில் 'பாகுபலி 2' இணைய உரிமை விலைதான் தற்போதை பேச்சாம். சில கோடிகளுக்கு உரிமை விற்கப்பட்டுள்ளதாகச் சொல்கிறார்கள்.