ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ராஜமௌலி இயக்கத்தில் தெலுங்கு, தமிழ், ஹிந்தி, மலையாளம் ஆகிய மொழிகளில் 'பாகுபலி 2' படம் வெளிவந்து இன்றுடன் 92 நாட்கள் ஆகிறது. ஏப்ரல் 28ம் தேதி வெளிவந்த இந்தப் படம் கோடை விடுமுறை காலத்தில் மக்களுக்கு மிகப் பெரும் பொழுது போக்குப் படமாக அமைந்தது.
உலகம் முழுவதும் வசூலில் சாதனை படைத்து 1700 கோடிகள் வரை வசூலித்தது வரை படம் பற்றிய தகவல்கள் உலவிக் கொண்டிருந்தன. தற்போது சத்தமேயில்லாமல் பல தியேட்டர்களில் இன்னமும் ஓடிக் கொண்டிருக்கிறது. சென்னையில் 7 தியேட்டர்களிலும், வெளியூர்களில் சில தியேட்டர்களிலும் மக்கள் படத்தைப் பார்த்துக் கொண்டு தான் இருக்கிறார்கள்.
இந்த ஆண்டில் வெளிவந்த படங்களில் அதிக லாபத்தையும் கொடுத்த இந்தப் படம் 100 நாட்களைக் கடக்க இன்னும் 8 நாட்கள்தான் தேவை. 'பாகுபலி' படத்தின் முதல் பாகம் கூட தமிழில் 100 நாட்கள் ஓடவில்லை. 75 நாட்கள் வரை மட்டுமே வெற்றிகரமாக ஓடியது. முதல் பாகத்தின் சாதனையை விட பல சாதனைகளைப் படைத்துள்ள 'பாகுபலி 2' க்கு 100 நாள் ஓடுவதும் ஒரு சாதனைதான்.
இந்த வாரம் பெரிய படங்கள் வராததால் அந்த ஓட்டத்திற்குப் பெரிய பாதிப்பு வர வாய்ப்பில்லை. ஆனால், ஆகஸ்ட் 11ம் தேதி பல படங்கள் வருவதால் அதற்கு முன்னதாக தியேட்டரை விட்டு எடுக்க வாய்ப்புகள் அதிகம். இருந்தாலும் அடுத்த வியாழக்கிழமை வரை படத்தை தியேட்டரில் வைத்திருந்தால் 100 நாள் சாதனையை படம் புரிந்துவிடும்.