ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
கமல்ஹாசன் கடந்த சில வாரங்களாக ஆளும் அதிமுக அரசை மிக கடுமையாக விமர்சித்து வருகிறார். எல்லா துறைகளிலும் லஞ்சம் விளையாடுகிறது. நீட் தேர்வு, டெங்கு காய்ச்சலை ஒழிக்க முடியாவிட்டால் பதவி விலகுங்கள். நான் முடிவெடுத்தால் நான்தான் முதல்வர் என அதிரடியாக பேசியும், எழுதியும் வருகிறார். இது ஆளும் அதிமுக அரசுக்கும், அமைச்சர்களுக்கும் கடும் கோபத்தை உருவாக்கியது. அவர்கள் கமல்ஹாசனை ஒருமையில் விளித்து கடுமையாக தாக்கி பேசினார்கள். ஊழலை நிரூபியுங்கள் என்றார்கள். இதனால் கமல் தன் ரசிகர்களையும், பொதுமக்களையும் ஊழலால் பாதிக்கப்பட்டவர்கள் அந்தந்த துறை அமைச்சருக்கு புகார் அனுப்புங்கள் என்றார்.
இதனால் அமைச்சர்களின் இணையதள முகரிவகள் அழிக்கப்பட்டது. தொடர்ந்து கமல் ஊழல் தடுப்பு பிரிவுக்கு அனுப்புங்கள் என்று அந்த முகவரியைக் கொடுத்தார். முதல்வர் எடப்பாடி பழனிச்சாமி, கமல் அரசியலுக்கு வரட்டும் அப்போது பதிலடி கொடுப்போம் என்று கூறியிருக்கிறார். அமைச்சர்களும் கமலின் தனிப்பட்ட வாழ்க்கையை விமர்சிக்க ஆரம்பித்திருக்கிறார்கள். இதனால் இரு தரப்புக்கும் கடுமையான வார்த்தை போர் நடந்து வருகிறது.
இந்த நிலையில் கமல்ஹாசன் வீட்டுக்கு பலத்த போலீஸ் பாதுகாப்பு போடப்பட்டுள்ளது. தேனாம்பேட்டை இன்ஸ்பெக்டர் தலைமையில் குறைந்தது பத்து போலீசார் தடுப்பு வேலி அமைத்து பாதுகாப்பு பணியில் ஈடுபட்டு வருகிறார்கள். அதேபோல கமல் பிக்பாஸ் நிகழ்ச்சி நடத்தி வரும் தொலைக்காட்சியின் அலுவலகத்திற்கும், கமலின் கிழக்கு கடற்கரை சாலை வீட்டுக்கும் போலீஸ் பாதுகாப்பு போடப்பட்டுள்ளது. கமல் போலீஸ் பாதுகாப்பு கேட்டு யாரிடமும் விண்ணப்பிக்கவில்லை என்று அவரது அலுவலக வட்டாரங்கள் தெரிவிக்கிறது.