ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
“துப்பாக்கி, கத்தி” ஆகிய வெற்றிப் படங்களுக்குப் பிறகு இயக்குனர் ஏ.ஆர்.முருகதாஸ், விஜய் மூன்றாவது முறையாக இணைய உள்ள படத்தின் வேலைகள் இப்போதே ஆரம்பமாகிவிட்டன. ஏ.ஆர்.முருகதாஸ் தற்போது 'ஸ்பைடர்' படத்தின் இறுதிக் கட்டப் பணிகளில் இருக்கிறார். செப்டம்பர் மாதம் இந்தப் படம் வெளியாக உள்ளது. இந்தப் படத்திற்குப் பிறகு விஜய் நடிக்கும் படத்தை அவர் இயக்க உள்ளார். இந்தப் படத்திற்கான மற்ற நட்சத்திரத் தேர்வுகளும் தற்போது நடந்து வருகின்றன.
'கத்தி' படத்திற்குப் பிறகு மீண்டும் விஜய் நடிக்கும் படத்திற்கு அனிருத் இசையமைப்பாரா என்ற கேள்வியும் ரசிகர்களிடம் எழுந்துள்ளது. அத்துடன் படத்தின் நாயகியாக யார் நடிக்கப் போகிறார்கள் என்ற கேள்வியும் இருக்கிறது. விஜய்யுடன் தற்போதைய முன்னணி ஹீரோயின்கள் பலரும் ஜோடி சேர்ந்துவிட்டார்கள். இரண்டாவது முறையாவும் சேர்ந்து நடித்திருக்கிறார்கள். அதனால், விஜய் ஜோடியாக இதுவரை அவருடன் நடிக்காத ஒரு ஹீரோயினைத் தேர்வு செய்யலாம் என்று முடிவெடுத்தார்களாம். அதன்படி, 'ஸ்பைடர்' படத்தில் நடித்து வரும் ரகுல் ப்ரீத் சிங்கையே விஜய் ஜோடியாக்க முருகதாஸ் முடிவு செய்துவிட்டார் என்கிறார்கள்.
ரகுல் ப்ரீத் சிங் தற்போது 'ஸ்பைடர், தீரன் அதிகாரம் ஒன்று' ஆகிய தமிழ்ப் படங்களில் நடித்து வருகிறார். தெலுங்கில் முன்னணி நடிகையாக இருக்கும் ரகுல், விஜய்யுடன் ஜோடி சேர்ந்தால் தமிழிலும் முன்னணிக்கு வர வாய்ப்புள்ளது.
இதுஒருபுறம் இருக்க ஹிந்தியில் அகிரா படத்தை இயக்கிய முருகதாஸ், அப்படத்தில் நடித்த சோனாக்ஷி சின்ஹாவை, விஜய் ஜோடியாக நடிக்க வைக்கலாமா என்று யோசித்து வருகிறாராம்.
விரைவில் முருகதாஸ், விஜய் படம் பற்றிய முழு விவரம் வெளியாகலாம்.