ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
80களில் ரஜினிகாந்த், கமல்ஹாசன் என்ற இரு பெரும் நடிகர்களுக்கு மத்தியிலும் விஜயகாந்த், சத்யராஜ், கார்த்திக், பிரபு, ராமராஜன், மோகன் என அடுத்த கட்ட நடிகர்களும் பல வெற்றிப் படங்களைக் கொடுத்தார்கள். ஆனால், அது போன்ற ஒரு நிலை இந்த 2017ல் இல்லாதது ஆச்சரியமாக உள்ளது.
ரஜினிகாந்த், கமல்ஹாசன் இருவருக்குமான வியாபாரமும், வரவேற்பும், வசூலும் தனியாக உள்ள நிலையில் அவர்களுக்கு இணையாக விஜய், அஜித் போன்றோர் உயர்ந்த நிலையில் உள்ளனர். ஆனால், அடுத்த கட்டங்களில் உள்ளவர்களுக்குத் தொடர்ச்சியான வெற்றியும், வரவேற்பும் இல்லாமல் இருக்கிறது.
விக்ரம், சூர்யா ஆகியோர் கூட கடுமையான போட்டிகளைச் சந்திக்க வேண்டிய சூழலே உள்ளது. விஷால், ஆர்யா, கார்த்தி, தனுஷ், சிவகார்த்திகேயன் ஆகியோருக்கும் அடுத்த நிலையில் வாரிசு நடிகர்களான விக்ரம் பிரபு, கௌதம் கார்த்திக், அதர்வா போன்றோர் உள்ளனர். இவர்களுக்கு இன்னும் பெரிய வெற்றி என்ற ஒரு நிலை வரவேயில்லை என்பதே உண்மை.
விக்ரம் பிரபு அறிமுகமான 'கும்கி' படம் தவிர அடுத்து அவர் நடித்து வெளிவந்த ''இவன் வேற மாதிரி, அரிமா நம்பி, சிகரம் தொடு, வெள்ளைக்கார துரை, இது என்ன மாயம், வாகா, வீர சிவாஜி” ஆகிய படங்கள் தோல்விப் படங்கள்தான். அதிலும் கடைசியாக வெளிவந்த மூன்று படங்களுமே மூன்று நாட்கள் கூட ஓடாத படு தோல்விப் படங்கள். விக்ரம் பிரபு, அதிகம் எதிர்பார்த்து வெற்றிக்காகக் காத்துக் கொண்டிருக்கும் 'சத்ரியன்' படம் வரும் 9ம் தேதி வெளியாக உள்ளது.
விக்ரம் பிரபு போலவே மற்றொரு வாரிசு நடிகரான கௌதம் கார்த்திக் நடித்து வெளிவந்த “கடல், என்னமோ ஏதோ, வை ராஜா வை, முத்துராமலிங்கம்” ஆகிய அனைத்துப் படங்களுமே தோல்விப் படங்கள்தான். கௌதம் நாயகனாக நடிக்க மிகவும் தாமதமாகத் தயாராகி வந்த 'ரங்கூன்' படம் வரும் 9ம் தேதி வெளியாகிறது.
பிரபுவின் வாரிசான விக்ரம் பிரபு, கார்த்திக்கின் வாரிசுன கௌதம் கார்த்திக் இருவருக்கும் அடுத்த பரீட்சை 9ம் தேதி நடக்க உள்ளது. இதில் அவர்கள் தேர்ச்சி பெற்றால் மட்டுமே அடுத்தடுத்து அவர்கள் நடித்து வெளிவர உள்ள படங்கள் அடுத்த படிக்கட்டில் ஏறும்.