ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
உதயநிதி நடிப்பில் சமீபத்தில் வெளியான 'சரவணன் இருக்க பயமேன்' என்கிற படத்தை பார்த்தால் உதயநிதி இன்னும் காமெடி என்கிற ஒரு பாதுகாப்பான வட்டத்தை விட்டு வெளிவர முடியாமல் தவிக்கிறார் என்பது புரிந்தது. அடுத்ததாக தூங்கா நகரம் 'கௌரவ் நாராயணன்' இயக்கத்தில் 'இப்படை வெல்லும்' என்கிற படத்தில் நடித்து வருகிறார். கெத்து' படத்தை தொடர்ந்து இதிலும் ஆக்சன் ஏரியாவில் கொஞ்சம் போல கால் வைத்திருப்பதாகவே தெரிகிறது.
இருந்தாலும் உதயநிதியை ஒரு நடிகராக அடுத்தகட்டத்திற்கு செல்ல இந்தப்படங்கள் எந்த அளவு உதவி செய்யும் என சந்தேகமாக பார்த்த வேளையில் தான் திடீரென பிரபல மலையாள இயக்குனர் பிரியதர்ஷன் டைரக்சனில் நடிப்பதாக அறிவித்து அனைவருக்கும் ஷாக் கொடுத்துள்ளார். அதேசமயம் கடந்த வருடம் மலையாளத்தில் பஹத் பாசில் நடிப்பில் வெளியாகி மிகப்பெரிய வெற்றி பெற்ற 'மகேஷிண்டே பிரதிகாரம்' படத்தைதான் உதயநிதிக்காக பிரியதர்ஷன் ரீமேக் செய்ய இருக்கிறார் என சொல்லப்படுகிறது.
காரணம் தற்போது உதயநிதியின் இந்தப்படத்தை தயாரிக்கும் சந்தோஷ் நாயர் தான் இதன் ஒரிஜினலான 'மகேஷிண்டே பிரதிகாரம்' படத்தின் இணை தயாரிப்பாளர் என்பது கவனிக்கத்தக்கது. உதயநிதி ஜோடியாக நடிப்பதன் மூலம் தமிழுக்கு வருகிறார் மலையாள நடிகை நமீதா பிரமோத். யாவர் அபர்ணா வினோத் கேரக்டரிலும், படத்தின் இன்னொரு முக்கியமான அலான்சியர் லே கேரக்டரில் எம்.எஸ்.பாஸ்கரும் நடிக்க இருக்கிறார்கள். பஹத் பாசிலின் கேரக்டரில் உதயநிதி நடிப்பதும், அதிலும் பிரியதர்ஷன் டைரக்சனில் நடிப்பதும் நிச்சயம் உதயநிதியை வேற லெவலுக்கு கொண்டு செல்லும் என நம்பலாம்.