Dinamalar

மம்பட்டியான் வெற்றி : மகிழ்ச்சியில் பிரஷாந்த்!

எதிர்பார்த்ததை விட மம்பட்டியான் படம் மாபெரும் வெற்றி பெற்றுள்ளதால் மிகுந்த உற்சாகத்தில் இருக்கிறார் நடிகர் பிரஷாந்த். சிம்ரன், ஜோதிகா, ரம்பா, சினேகா என தமிழில் முன்னணி நட்சத்திரங்கள் பலருடன் ஜோடி போட்டு காதல் இளவரசனாக, டாப் ஸ்டாராக வலம் வந்தவர் நடிகர் பிரஷாந்த். இடையில் சின்ன தடுமாற்றத்திற்கு பிறகு, பிரஷாந்த்தின் அப்பா தியாகராஜன் இயக்கத்தில் வெளிவந்த வரலாற்று படமான பொன்னர் சங்கர் படம் மூலம் மீண்டும் புத்துணர்வு பெற்றார்.

இந்நிலையில் சமீபத்தில் வெளிவந்த மம்பட்டியான் படமும் அவருக்கு நல்ல வரவேற்பை பெற்று தந்துள்ளது. 28 ஆண்டுகளுக்கு முன்னர் தியாகராஜன் நடிப்பில் மாபெரும் வெற்றி பெற்ற மலையூர் மம்பட்டியான் படத்தை, இந்தகாலத்திற்கு ஏற்றவாறு பல மாற்றங்களை செய்து, அதில் தன் மகன் பிரஷாந்த்தையே மம்பட்டியானாக நடிக்க வைத்து  இயக்கியுள்ளார் தியாகராஜன். கடந்தவாரம் வெளிவந்த இப்படம் அனைத்து ஏரியாவிலும் சபாஷ் போட வைத்துள்ளது. தியேட்டர் அதிபர்கள் பலரும் பிரஷாந்தின் நடிப்பை பாராட்டியுள்ளனர். பலரும் இப்படத்தை பாராட்டி வருவதால் மிகுந்த உற்சாகத்தில் இருக்கிறார் பிரசாந்த்.

மேலும் மம்பட்டியான் படத்தின் வெற்றி, அவருக்கு சில படங்களில் நடிக்க வாய்ப்பு பெற்றுத் தந்துள்ளதாம். இதனால் தனது உடல் எடையை குறைத்தும், ஹேர் ஸ்டலையும் மாற்ற திட்டமிட்டுள்ளார். விரைவில் அவரின் அடுத்த படம் குறித்து அறிவிப்பு வெளிவரலாம் என தெரிகிறது.

இதையே சினிமா பாஷையில் சொல்ல வேண்டுமானால் பிரஷாந்த் கவுண்ட் டவுன் ஸ்டார்ட்...!

• செய்திகள்
• வந்த படங்கள்

• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்

• 
  என் அப்பா இன்ஸ்டாகிராமில் இருக்கிறாரா? : கல்யாணி பிரியதர்ஷன் ஆச்சர்யம்
• 
  தலைப்பிற்காக அழையும் படக்குழு!
• 
  ஜாய் கிரிசில்டாவுக்கு ஆண் குழந்தை பிறந்தது
• 
  வித்யாசாகர் மகனுக்கு ஜோடி யார் தெரியுமா?
• 
  ஜனவரி 23ல் திரைக்கு வருகிறதா சூர்யாவின் கருப்பு?