Dinamalar

மணிரத்னத்தின் பூக்கடைக்கு ஹீரோயின் கிடைச்சாச்சு...!

மணிரத்னம் இயக்கும் பூக்கடை படத்திற்கு ஒருவழியாக ஹீரோயின் கிடைச்சாச்சு, பிரபல தெலுங்கு நடிகர் மோகன் பாபுவின் மகளான லட்சுமி மஞ்சு தான் இப்படத்தின் ஹீரோயினாக நடிக்க இருக்கிறார். ராவணன் படத்தை தொடர்ந்து மணிரத்னம் அடுத்து ஒரு புதிய படத்தை இயக்குகிறார். இப்படத்தின் ஹீரோவாக, மாஜி ஹீரோ கார்த்திக்கின் மகன் கவுதம் நடிக்கிறார். படத்திற்கான கதை‌ எல்லாம் முடிவாகிவிட்ட நிலையில் ஹீரோயின் மட்டும் தேர்வு செய்யப்படாமல் இருந்தது. ஆரம்பத்தில் இப்படத்தின் ஹீரோயினாக கமல் மகள் ஆக்ஷ்ராஹாசன் நடிக்க வைக்க முயற்சி பண்ணினார் மணி, ஆனால் அக்ஷராவோ மறுத்துவிட்டார். இதனையடுத்து பார்த்திபன் மகள் கீர்த்தனா, ராதாவின் 2வது மகள் துளசி ஆகியோரிடமும் அணுகினார், ஆனால் அவர்களும் மறுத்துவிட்டனர்.

இந்நிலையில் இப்போது தெலுங்கு நடிகர் மோகன் பாபுவின் மகள், லட்சுமி மஞ்சு ஹீரோயினாக நடிக்க ஓ.கே. சொல்லியுள்ளார். லட்சுமி மஞ்சு ஏற்கனவே சில ஆங்கிலப்படங்களிலும், சில டி.வி., சீரியல்களிலும் நடித்துள்ளார். அதுமட்டுமல்ல தெலுங்கில் இரண்டு படங்களையும் தயாரித்து உள்ளார்.

தமிழில் முதல்படமே மணிரத்னம் படத்தில் நடிக்க வாய்ப்பு கிடைத்துள்ளது. இதுகுறித்து லட்சுமி மஞ்சு கூறுகையில், கிட்டத்தட்ட இரண்டு மாதங்களாக இப்படத்‌தின் கதையை படித்தேன். ரொம்ப பிடித்து‌ போய்விட்டது. கடைசியாக டிசம்பர் 15ம் தேதி தான் நடிக்க சம்மதித்தேன். படத்திற்கு பூக்கடை என்று பெயரிட்டுள்ளனர். கார்த்திக்கின் மகன் கவுதமிற்கு ஜோடியாக நடிக்கிறேன். பூக்கடை படம் கிராமத்து கதை. இதில் பக்கா தமிழ் பெண்ணாக நான் நடிக்கிறேன். படத்தில் என்னுடைய ரோல் ரொம்பவே சவாலானது. படத்தின் சூட்டிங் ஜனவரியில் தொடங்குகிறது. அதற்காக காத்திருக்கிறேன்.

சினிமா துறையில் என்னை ரொம்பவும் இம்ப்ரஸ் செய்தவர்களில் டைரக்டர் மணிரத்னமும் ஒருவர். அவருடைய கீதாஞ்சாலி, மெளன ராகம் உள்ளிட்ட எல்லா படங்களையும் பார்த்திருக்கிறேன். அவர் படத்தில் நடிக்க நான் ஆசிர்வதிக்கப்பட்டுள்ளேன். ஹாலிவுட் டைரக்டர் ஸ்டீவன் ஸ்பீல்பர்க் அல்லது ‌மணிரத்னம் ஆகிய இருவரில் யார் படத்தில் நடிப்பீர்கள் என்று கேட்டால் உடனே, மணிரத்னம் படத்தில் தான் நடிப்பேன் என்று கூறுகிறார் லட்சுமி மஞ்சு.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...