ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
பி.சுகுமார் இயக்கத்தில் நாக சைதன்யா, தமன்னா கதாநாயகன், கதாநாயகியாக நடித்த தெலுங்கு படம் '100% லவ்'. 2011-ஆம் ஆண்டு வெளியாகி வெற்றிப் பெற்ற இந்தப்படம் இப்போது தமிழில் ரீ-மேக் ஆகிறது. இந்த படத்தை தெலுங்கில் இயக்கிய பி.சுகுமார் தமிழில் தயாரிக்கிறார்.
'பேக் வாட்டர்ஸ்' 'நடாஷா' உள்ளிட்ட ஹாலிவுட் படங்களின் ஒளிப்பதிவாளரும், பிரபல ஹாலிவுட் ஒளிப்பதிவாளர் ஃப்ரெட் மர்பியிடம் உதவியாளராகப் பணியாற்றியவருமான எம்.எம்.சந்திரமௌலி என்பவர் இந்த படத்தை இயக்குகிறார்.
இந்த படத்தில் ஜி.வி.பிரகாஷ் குமார் கதாநாயகனாக நடிக்கிறார். அதோடு அவரே இசை அமைக்கிறார். 'சென்னை எக்ஸ்பிரஸ்', 'தில்வாலே', 'சிங்கம்' என பல ஹிந்தி படங்களில் ஒளிப்பதிவாளராக பணியாற்றிய டட்லி இந்தப் படத்துக்கு ஒளிப்பதிவு செய்கிறார்.
இன்னும் பெயரிடப்படாத இந்த படத்திற்கான கதாநாயகி தேர்வு நடந்து வருகிறது. இப்படத்தின் ஒரிஜினலான '100% லவ்' படத்தில் கதாநாயகியாக நடித்த தமன்னாவையே ஜி.வி.பிரகாஷ் குமாரருக்கு ஜோடியாக நடிக்க வைக்க ஆலோசனை நடைபெற்று வருகிறது. இதுதொடர்பாக தமன்னாவிடம் பேசி வருவதாகவும் கூறப்படுகிறது. லண்டனில் படமாகவுள்ள இப்படத்தின் படப்பிடிப்பு விரைவில் துவங்கவுள்ளது.