Dinamalar

2.0' தள்ளிப் போக என்ன காரணம் ?

ஷங்கர் இயக்கத்தில் ரஜினிகாந்த், அக்ஷய் குமார், எமி ஜாக்சன் மற்றும் பலர் நடிக்க சுமார் 400 கோடி ரூபாய் செலவில் உருவாகி வரும் '2.0' படத்தின் வெளியீடு அடுத்த வருடத்திற்கு தள்ளி வைக்கப்பட்டதாக நேற்று இரவு அதிகாரப்பூர்வமாக அறிவிக்கப்பட்டது. '3Diwali2017' என பட வெளியீட்டையும் இரு பொருள்பட குறிப்பிட்டு '2.0' படத்தின் முதல் பார்வையை மும்பையில் நடைபெற்ற விழாவில் அறிவித்தார்கள். ஆனால், அப்படி அதிகாரப்பூர்வமாக அறிவிக்கப்பட்ட ஒரு படமே தள்ளிப் போனது ஆச்சரியத்தை ஏற்படுத்தியுள்ளது.

இப்படத்தைத் தயாரிக்கும் லைக்கா நிறுவனத்திற்கு பணம் செலவு செய்வது என்பது சாதாரண விஷயம்தான். படத்தின் கிராஃபிக்ஸ் காட்சிகளை உலகத் தரத்திற்கு இணையாக உருவாக்க வேண்டும் என்ற காரணத்தால்தான் படம் தள்ளி வைக்கப்படுகிறது என்று கூறியிருந்தார்கள். ஆனால், அதுதான் உண்மையான காரணமா என்று தெரியவில்லை. 100 பேர் செய்ய வேண்டிய கிராஃபிக்ஸ் வேலையை 200 பேரை வைத்து செய்தால் திட்டமிட்டபடி படத்தை வெளியிட முடியும் என்பது அவர்களுக்குத் தெரியாமலா இருக்கும்.

இருந்தாலும் ஆமீர்கான் நடித்து தீபாவளியன்று வெளிவர உள்ள 'சீக்ரெட் சூப்பர்ஸ்டார்' படத்துடன் போட்டி போட வேண்டாம் என்ற காரணத்தால்தான் '2.0' படத்தைத் தள்ளி வைத்துவிட்டார்கள் என பாலிவுட்டில் இருந்து வரும் தகவல்கள் தெரிவிக்கின்றன.

ரஜினிகாந்த் என்னதான் சூப்பர் ஸ்டாராக இருந்தாலும் அவருடைய படங்கள் ஹிந்தியில் பெரிய வசூலைப் பெறுவதில்லை. ஹிந்தி வசூலை மனதில் வைத்துதான் அக்ஷய்குமாரை இந்தப் படத்தில் நடிக்க வைத்தனர் என்பது அனைவருக்கும் தெரியும். இருந்தாலும் வசூல் ரீதியாக ஆமீர்கான் ஹிந்தித் திரையுலகில் உச்சத்தில் இருக்கிறார். அதுவும், அவர் நடித்து இதற்கு முன் வெளிவந்த 'தங்கல்' படமும் மிகப் பெரும் வசூலைப் பெற்றது. எனவே, அவருடைய அடுத்த வெளியீடான 'சீக்ரெட் சூப்பர் ஸ்டார்' படத்துடன் போட்டி போட வேண்டாம், தனி வெளியீடாக வருவோம் என்ற காரணத்தால்தான் 2018 பொங்கலுக்குக் கூட வெளிவராமல் 25 ஜனவரி, 2018 அன்று '2.0' படத்தை வெளியிட திட்டமிட்டுள்ளார்கள் என திரையுலக வட்டாரங்களில் தெரிவிக்கிறார்கள்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  அயோத்தி பட இயக்குனரின் அடுத்த பட அப்டேட்
• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது