ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
'நடுவுல கொஞ்சம் பக்கத்தக் காணோம்' படத்தின் வெற்றி தான் விஜய்சேதுபதிக்கு வணிக மதிப்பை தேடிக்கொடுத்தது. பாலாஜி தரணீதரன் இயக்கத்தில் விஜய்சேதுபதி நடித்த இப்படம் குறைந்த பட்ஜெட்டில் எடுக்கப்பட்டு லாபம் ஈட்டித்தந்த படம். அதன் பிறகே அவரை நம்பி தயாரிப்பாளர்கள் படம் எடுக்க முன் வந்தனர்.
இந்தப்படத்தைத் தொடர்ந்து தற்போது 'சீதக்காதி' எனும் படத்தில் மீண்டும் விஜய்சேதுபதியை இயக்குகிறார் பாலாஜி தரணீதரன். 'சீதக்காதி' படத்தில் மேடை நாடகக் கலைஞராக நடிக்கிறார் விஜய்சேதுபதி. இந்தப் படம் பீரியட் பிலிம் என்று சொல்லப்படுகிறது. 80களில் கதை நிகழ்வதுபோல் திரைக்கதை அமைக்கப்பட்டுள்ளதாம்.
இந்தப்படத்தில் கதாநாயகி என்று யாரும் கிடையாது. அதே நேரம், காயத்ரி, ஓவியா, ரம்யா நம்பீசன் உட்பட பல நடிகைகள் சிறப்புத் தோற்றங்களில் நடிக்கவிருக்கிறார்களாம். மூன்றாவது முறையாக 'சீதக்காதி' படத்தில் விஜய்சேதுபதி உடன் ரம்யா நம்பீசன் இணைந்து நடிக்கவிருக்கிறார்.
இது ஒரு பக்கம் இருக்க, கடந்த வருடம் வெளிவந்த 'தெறி' படத்தில் வில்லனாக நடித்த இயக்குநர் மகேந்திரன், இப்படத்தில் முக்கிய கதாபாத்திரம் ஒன்றில் நடிக்கவிருக்கிறார் என்று தகவல் வெளியாகியுள்ளது.