ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
முதல் படத்திலே தேசிய விருது பெற்றவர் ரித்திகா சிங். விளையாட்டு துறையில் இருந்து, சினிமா துறைக்கு வந்தவர். இவரது நடிப்பில் வெளிவர உள்ள சிவலிங்கா படம் குறித்து, மனம் திறந்து பேசுகிறார்.
சிவலிங்கா படம் குறித்து?
இயக்குனர் பி.வாசு இயக்கத்தில், லாரன்ஸ் ஜோடியாக, நடித்திருக்கிறேன். கன்னடத்தில், வேதிகா, இந்த ரோலை, சிறப்பாக நடித்திருந்தார். முடிந்தவரை நானும், சிறப்பாக செய்திருக்கேன். இந்த படத்தில், டான்ஸ், பாட்டு, நடிப்பு என்று வேற ரித்திகாவை, ரசிகர்கள் பார்ப்பது நிச்சயம்.
இந்த படத்தில், கவர்ச்சியாக நடித்திருப்பதாக...
பாடல் காட்சிகளுக்கு தேவைப்பட்டதால், அதற்கு ஏற்ற உடைகளை அணிந்து நடித்திருக்கிறேன்.பாடலை பார்க்கும் போது, நிச்சயம் ஆபாசமாக இருக்காது. எனக்கு டான்ஸ், சுத்தமாக தெரியாது. இந்த படமே, எனக்கு பெரிய சவாலாக இருந்தது.லாரன்ஸ் மாஸ்டருடன் டான்ஸ் ஆடுவது எளிதான விஷயம் இல்லை. ஒரு பாட்டுக்கு டான்ஸ் ஆடும் போது, முழங்காலில் காயம் ஏற்பட்டது. ஆனாலும், அதை எல்லாம் சமாளித்து தான், நடித்தேன்.
புடவை அணிந்து நடித்த அனுபவம்?
சொன்னா நம்ப மாட்டிங்க; அந்த புடவை, கட்டியதில் இருந்து, பத்தாயிரம் முறை, நழுவி கீழே விழுந்திருக்கும். புடவை கட்டி, எனக்கு பழக்கமே இல்லை; புடவையுடன் டான்ஸ் ஆடியது, சிரமமாகவும்,வித்தியாசமாகவும் இருந்தது.
பாக்சிங், ஆக்டிங் எது சுலபம்?
நான், பாக்சிங் வீராங்கனையாக இருப்பதால், பாக்சிங் ரொம்ப சுலபம்; நடிப்பு கஷ்டம். மூன்று வயதில் இருந்தே, கராத்தே, பாக்சிங் கற்று வருகிறேன். நடிப்பிற்கும், நடனத்துக்கும் இன்னும் அதிக பயிற்சி எடுக்க வேண்டும்.
உங்களை யாராவது காதலித்தது உண்டா?
என்னவோ தெரியவில்லை; என்னை பார்த்தாலே எல்லாரும் பயப்படுறாங்க; எனக்கு, நெருக்கமான நட்புகள் சினிமாவில் கிடையாது. யாராவது என்னிடம் வந்து, 'லவ்' சொன்னால், 'எனக்கு விருப்பம் இல்லை' எனக் கூறி, அனுப்பி விடுவேன்; காதலிப்பதற்கெல்லாம், எனக்கு நேரம் இல்லை.
சென்னையில் பிடித்த சாப்பாடு?
இடியாப்பம், ரசம், அப்பளம், கொஞ்சம் அசைவம் சாப்பிடுவேன்.
உங்களுக்கு வெட்கப்பட தெரியுமா?
சத்தியமாக தெரியாது; நான் எதற்கு வெட்கப்பட வேண்டும்? திருமணத்தன்று, மணமேடையில் இருக்கும் போது கூட வெட்கப்பட மாட்டேன். அதெல்லாம், எனக்கு சுட்டுப் போட்டாலும் வராது.