ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
மஞ்சப்பை வெற்றிக்கு பிறகு ராகவன் இயக்கி உள்ள படம் கடம்பன். ஆர்யா, கேத்ரின் தெரசா நடிக்க முழுக்க முழுக்க அடர்ந்த காடுகளில் படத்தை எடுத்து முடித்திருக்கிறார் ராகவன். கடம்பனின் இறுதிகட்ட பணியில் பிசியாக இருக்கும் ராகவன், கடம்பன் பிறந்து வளர்ந்த கதை பற்றி கூறியதாவது:
மஞ்சப்பையில் அப்பாவி கிராமத்து முதியவரின் உளவியல் பற்றி சொன்னேன். அடுத்த படம் ஒரு சமூக பிரச்னையை தொடுவதாக இருக்க வேண்டும் என்று நினைத்தேன். அப்போது மலைவாழ் மக்கள், தங்கள் வாழ்வாதாரத்திற்காக போராடுகிற செய்தியை படித்தேன். அவர்கள் பிரச்னை என்னென்ன என்பதை அறிய விரும்பினேன். இதற்காக தேனியிலிருந்து சேலம் வரை மலைகாடுகளில் நடந்தே சென்று அந்த மக்களை சந்தித்தேன். அவர்களுக்கு பல பிரச்னைகள் அவற்றில் முக்கியமானது எங்களை எங்களாகவே வாழ விடுங்கள் என்பதுதான். படத்துக்கு என்ன தேவையோ அந்த விஷயங்களை மட்டும் எடுத்துக் கொண்டு அதை ரசிகர்கள் ஏற்கும்படியான பொழுது போக்கு அம்சங்களுடன் உருவாக்கினேன்.
இந்தப் படத்துக்கு கட்டுமஸ்தான உடல்வாகு கொண்ட ஒரு இளைஞன் தேவை. ஆர்யா அப்போது அப்படி இருந்தார். அவரிடம் கதை சொன்ன உடனேயே கடம்பனாக மாறி வந்து நின்றார். சிக்ஸ் பேக் உடம்பு, எதையும் செய்ய தயார் என்கிற மனநிலையோடு வந்து நின்றார். கடம்பனாகவே வாழ்ந்தார். படப்பிடிப்பு முழுக்க காலில் செருப்பு அணியாமல் காடு மேடுகளில் நடித்தார். 500 அடி பள்ளத்தில் குதிக்க வேண்டிய காட்சியில் டூப் ஏற்பாடு செய்தும் அதை மறுத்து துணிந்து நடித்தார். 20 டேக்குள் எடுக்கப்பட்டு 21வது டேக்குதான் ஓகே ஆனது. ஒவ்வொரு முறை அவர் குதிக்கும்போது அவருக்கு எப்படி இருந்ததோ எங்களுக்கு உயிர்போய் திரும்பியது. அடர்ந்த காட்டில் அடை மழையில் படப்பிடிப்பு நடத்தினோம் 105 டிகிரி காய்ச்சலுடன் நடித்தார். இந்த உழைப்புக்காக டெடிகேசனுக்காக கடம்பன், ஆர்யாவை அடுத்த கட்டத்துக்கு எடுத்துச் செல்வான் என்பதில் எந்த சந்தேகமும் இல்லை. என்கிறார் ராகவன்.