மகனை இயக்கப்போகிறார் தம்பி ராமைய்யா!

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

10 மார், 2017 - 11:42 IST

எழுத்தின் அளவு:

Thambi-ramaiah-to-direct-his-son-umapathy

இயக்குநர் எஸ்.ஏ.சந்திரசேகரன் தனது மகன் விஜய்யை வைத்து ஆரம்பத்தில் மூன்று படங்களை தொடர்ச்சியாக இயக்கினார். அதேபோல், பி.வாசுவும் தனது மகன் சக்தி நடித்த முதல் படத்தை இயக்கினர். கஸ்தூரிராஜாவும் தனது மகன் தனுஷ் நடித்த துள்ளுவதோ இளமை படத்தை இயக்கினார். இப்படி பல டைரக்டர்கள் தங்களது வாரிசுகள் நடித்த முதல் படத்தை இயக்கி அவர்களை அறிமுகம் செய்து வந்துள்ளனர். அந்த வரிசையில், தம்பி ராமைய்யாவும் தனது மகன் உமாபதியை வைத்து படம் இயக்குவதாக இருந்தார். ஆனால் படங்களில் பிஸியாக நடித்து வந்ததால் மகனை அறிமுகம் செய்யும் பொறுப்பை இன்ப சேகரன் என்ற புதுமுக இயக்குனருக்கு வழங்கினார்.

அந்த வகையில், தம்பி ராமைய்யாவின் மகன் உமாபதி, நடித்துள்ள அதாகப்பட்டது மகாஜனங்களே படத்தை இன்பசேகரன் இயக்கியுள்ளார். ஆனால் இந்த படத்தில் அவர் நடித்து வந்தபோதே, தண்ணி வண்டி என்ற படத்திலும் கமிட்டாகி நடித்தார் உமாபதி. ஆனால் அந்த படம் கிடப்பில் கிடக்கிறது. அதையடுத்து தேவதாஸ் 2016 என்ற படத்தில் நடித்தார். அந்த படமும் இப்போது ரிலீசுக்கு தயாராகி விட்டது. இந்நிலையில், இன்பசேகரன் இயக்கியுள்ள அதாகப்பட்டது மகாஜனங்களே படம் மார்ச் 17-ந்தேதி வெளியிட திட்டமிட்டிருந்தனர். ஆனால் லாரன்ஸின் மொட்ட சிவா கெட்ட சிவா படத்திற்கு 400 தியேட்டர்களை கைப்பற்றி விட்டதால் இப்போது மார்ச் 24-ந்தேதி வெளியிட திட்டமிடுள்ளனர்.

மேலும், இந்த படங்களுக்குப்பிறகு மகனை வைத்து ஒரு படத்தை இயக்க திட்டமிட்டிருக்கிறாராம் தம்பி ராமைய்யா. ஏற்கனவே மனுநீதி, இந்திரலோகத்தில் நா.அழகப்பன் ஆகிய படங்களை இயக்கிய அவர், மகன் உமாபதி நடிக்கும் படத்தை ரொமான்டிக் காமெடி கதையில் இயக்குகிறாராம்.

Thambiramaiah

umapathy

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய