மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
நடிப்பு, இசையமைப்பு என, படு பிசியாக இயங்கி வருகிறார், ஜி.வி.பிரகாஷ். லேட்டஸ்ட் நிலவரத்தின்படி, அவரது கைவசம், 10 படங்கள் இருக்கின்றன. 'கோடம்பாக்கத்தின் செல்ல பிள்ளை' என, அழைக்கப்படும் அவர், புருஸ்லீ படம் பற்றியும், திரையுலகம் பற்றியும் சில விஷயங்களை மனம் திறந்து பேசுகிறார்:
புருஸ்லீ படம் பற்றி?
புதுமுக இயக்குனர், பிரகாஷ் பாண்டிராஜ் இயக்கத்தில், நான் நடித்துள்ள படம். இதில், ரொம்ப ஸ்டைலான, ஜி.வி.பிரகாஷை ரசிகர்கள் பார்க்கலாம். மக்களுக்கு, 'ரீச்' ஆகிற மாதிரி இருக்கணும் என்பதால், புரூஸ்லீ என, பெயர் வைத்துள்ளோம். திருச்சி பின்னணியில் நடக்கும் கதை. ஆக் ஷனும், காதலும் கலந்த கலவையாக, இந்த படம் இருக்கும்.
உங்க படங்கள், ஒரே மாதிரியாக இருப்பதாக குற்றச்சாட்டு உள்ளதே?
உண்மை தான்; தொடர்ந்து, மூன்று காமெடி படங்கள் நடித்ததால், அந்த மாதிரி முத்திரை பதிந்து விட்டது. வியாபாரத்துக்காக அப்படிச் செய்தேன்; ஆனால், அதை தொடர விரும்பவில்லை. இப்போதெல்லாம், காமெடி 'சப்ஜெட்' வேண்டாம் என, சொல்லி விடுகிறேன்.
நாமும் நடிக்கலாம் என்ற தைரியமான முடிவு, எப்படி வந்தது?
சூப்பராக நடிப்பேன் என்றெல்லாம் சொல்ல முடியாது; ஆனால், ரசிகர்களுக்கு, அவங்க ரசிக்கிற மாதிரி, திரையில் வருவேன் என, நம்புகிறேன். அடுத்தடுத்து நல்ல இயக்குனர்களிடம் சேருகிறேன்; அவர்கள் வழி நடத்துவது, சொல்லி கொடுப்பது, என் வளர்ச்சிக்கு ரொம்ப உதவியாக இருக்கும்.
எந்த நடிகையுடன் நடிக்கும் போது, கல கலப்பாக இருப்பீங்க?
நிக்கி கல்ராணி, படப்பிடிப்பில் இருந்தால், அந்த இடமே அதகளமா இருக்கும். இரண்டு படம், அவங்களோட நடிச்சிட்டேன். அதட்டல், உருட்டல், மிரட்டல்ன்னு அடாவடி செய்ற பொண்ணு, எதைப் பற்றியும் கவலைப்படாமல், ஜாலியாக இருக்கும் பொண்ணு நிக்கி. பக்கத்தில் யார் இருக்காங்க, என்ன பேசணும், என்றெல்லாம் கவலைப்படாமல், எதையாவது பேசிட்டு, போயிட்டே இருக்கும்.
உயரம் உங்களுக்கு, பிரச்னையா இருக்கா?
அப்படி எனக்கு தோன்றவில்லை. பக்கத்து வீட்டில் இருக்கும், ஒரு மிடில் கிளாஸ் பையன் மாதிரித் தான், என் தோற்றம் இருக்கிறது. எனக்கு எந்த கேரக்டர் ரொம்ப பொருத்தமாக இருக்கும் என்பது, இயக்குனர்களுக்கு தெரியும். அந்த கேரக்டரை சரியாக உள்வாங்கி செய்ய வேண்டும் என, நினைக்கிறேன்; மற்றபடி எதுவும் இல்லை.
நடிப்பு, இசை, எது பிடித்தது?
இரண்டுமே ரொம்ப பிடிக்கும். 10 ஆண்டுகளாக இசையமைப்பில் இருந்தேன். தற்போது, நடிக்க வந்திருக்கேன். ரசித்து செய்தால், கஷ்டம் கூட, இஷ்டம் ஆகிவிடும் என, நினைக்கிறேன்.
பாலாவின் நாச்சியார் படத்தில் நடிப்பது பற்றி?
தேதிகள் எல்லாம் ரொம்ப, 'அட்ஜஸ்ட்' செய்து, இந்த படத்தில் நடிக்கிறேன்; 'போட்டோ ஷூட்' எடுத்த போதே பயந்தேன். பாலா சார், நம் நடிப்பை பார்த்து, என்ன சொல்வாரோ என்றெல்லாம் பயம் இருந்தது. ஆனால், அவர் என்னை அந்த டென்ஷனில் இருந்து, வெளிக்கொண்டு வந்து, சுலபமாக நடிக்க வைத்தார்; அவர் போல ஒரு ஆசிரியர் கிடைத்ததில் பெருமை அடைகிறேன்.
முன்னணி ஹீரோவாகும் ஆசை இருக்கா?