Dinamalar

அப்பாவின் கனவை நிறைவேற்ற இயக்குனரானேன் : காயத்ரி ரகுராம்

பிரபல நடன இயக்குனர் ரகுராமின் மகள் காயத்ரி ரகுராம். நடிகையாக சினிமாவில் அறிமுகமான காயத்ரி. சார்லி சாப்ளின், விசில், ஸ்டைல், வானம் உள்பட பல படங்களில் நடித்தார். பின்னர் திருமணம் செய்து கொண்டு வெளிநாட்டில் செட்டிலானார். அதன்பிறகு கணவரை விவாகரத்து செய்து விட்டு மீண்டும் சினிமாவுக்கு நடன இயக்குனராக திரும்பினார். தற்போது முன்னணி நடன இயக்குனராக இருக்கிறார். அவர் இயக்குனராகி யாதுமாகி நின்றாய் என்ற படத்தை இயக்கி உள்ளார்.

இது குறித்து காயத்ரி ரகுராம் கூறியதாவது: நான் சினிமாவுக்கு வந்து 15 வருடங்களாகிறது. குழந்தை நட்சத்திரமாக, ஹீரோயினாக, நடன கலைஞராக, நடன இயக்குனராக எனது சினிமா பயணம் அமைந்தது. 1980களில் சினிமாவில் நடனமாடும் கலைஞர்களின் வாழ்க்கை மிக கடுமையாக இருந்திருக்கிறது. அவற்றில் சிலவற்றை நான் கேள்விப்பட்டிருக்கிறேன். சிலவற்றை பார்த்திருக்கிறேன். அதை சினிமாவாக எடுக்க வேண்டும் என்ற நிஜ சம்பவங்களை கோர்த்து ஸ்கிரிப்ட் எழுதினேன். இதை நல்ல இயக்குனரை கொண்டு படமாக்க நினைத்திருந்தேன். அப்பா "நீ எழுதின கதையை நீயே இயக்கு" என்று என்னை ஒரு இயக்குராக்கி பார்க்க ஆசைப்பட்டார். அவர் இப்போது இல்லை என்றாலும் அவரது ஆசியுடன் எனது சித்தி கலா மாஸ்டரின் வழிகாட்டுதலுடனும் இந்தப் படத்தை நான் இயக்கி இருக்கிறேன்.

இது பக்கா கமர்ஷியல் படம்தான். ஆனால் விருதுகளும் கிடைக்கும். நடன கலைஞர்களின் வாழ்க்கையை இதுவரை யாரும் சினிமாவாக எடுத்ததில்லை. நான் எடுத்து அந்த கலைஞர்களுக்கே அதனை சமர்பிக்கிறேன். பள்ளிப் பருவம் முதல் முதுமை பருவம் வரையிலான வாழ்க்கையை ஒரு நடன மங்கை எப்படி கடந்து வருகிறாள் என்பதுதான் கதை. என்றார் காயத்திரி ரகுராம்.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...