ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
1980-90களில் முக்கிய காமெடியனாக நடித்து வந்தவர் சார்லி. புதுவசந்தம், பூவே உனக்காக படங்கள் வந்தபோதெல்லாம் முன்னணி காமெடியனாக இருந்தார். ஆனால் ஒருகட்டத்தில் புதிய காமெடியன்கள் மார்க்கெட்டுக்கு வந்த பிறகு சரிவை சந்தித்தார் சார்லி. அதனால் சில ஆண்டுகள் சரியானபடி பட வாய்ப்புகள் இல்லாமல் இருந்து வந்த அவர், கடந்த சில ஆண்டுகளாக குணசித்ர நடிகராக நடித்து வருகிறார். அந்தவகையில், பாபநாசம், கிருமி, ஆறாது சினம்,ஒருநாள் கூத்து, எனக்கு இன்னொரு பேர் இருக்கு போன்ற படங்களில் பலதரப்பட்ட கேரக்டர்களில் நடித்து மறுபடியும் பிசியாகி வருகிறார்.
அதோடு, காமெடியனான தன்னால் சீரியசான வேடங்களிலும் நடிக்க முடியும் என்பதை நிரூபித்து வரும் சார்லி, அடுத்தபடியாக செண்டிமென்ட் நடிகராகவும் தற்போது உருவெடுத்து வருகிறார். அந்தவகையில், பாம்பு சட்டை படத்தில் கீர்த்தி சுரேஷின் அப்பாவாக நடித்துள்ளார். குறிப்பாக, யதார்த்தமாக பேசும் ஒரு நியாயமான அப்பாவாக நடித்திருக்கிறார். அந்தவகையில், இதுவரை சார்லி நடித்துள்ள செண்டிமென்ட் கேரக்டர்களில் இது அவருக்கு பெருமை சேர்க்கும் அப்பா வேடமாக இருக்கும் என்கிறார்கள்.