ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
விநியோகஸ்தர்களின் வேண்டுகோளுக்கு இணங்க, ரசிகர்களுக்காக, தணிக்கை குழு பிரச்சினை காரணமாக பல படங்களிள் கிளைமாக்ஸ் மாற்றப்பட்டிருக்கிறது. இது காலம் காலமாக நடந்து வருகிற ஒன்று. ஆனால் முதன் முதலாக கிளைமாக்ஸ் மாற்றப்பட்டது நவீன சாரங்கதரா என்ற படத்தில்தான். மாற்றியவர் தமிழ் சினிமாவின் தந்தை என்ற போற்றப்படுகிற கே.சுப்பிரமணியம்.
1937ம் ஆண்டு ஜெனரல் பிக்சர்ஸ் கார்பரேஷன் என்ற நிறுவனம் சாரங்கதாரா என்ற படத்தை இந்தியில் தயாரித்தது. இதில் கொத்தமங்கலம் சீனு, டி.எம்.சாரதாம்பாள் நடித்தனர். வி.கே.பாதம் என்பவர் இயக்கினார். இந்தப் படம் தயாரிப்பில் இருந்தபோது நவீன சாரங்கதாரா என்ற பெயரில் கே.சுப்பிரமணியம் தமிழில் அதே கதையை இயக்கினார். இதில் தியாகராஜ பாகவதரும், சுப்புலட்சுமியும் நடித்தனர்.
இது ஒரு பிரபலமான புராணக்கதை. சித்ராங்கி என்ற அழகிய இளவரசிக்கு மணம் முடிக்க ஏற்பாடு நடந்து வருகிறது. பல தேசத்து இளவரசர்களின் ஓவியங்கள் அவளுக்கு காட்டப்படுகிறது. அதில் அவள் அழகான தோற்றம் கொண்ட சாரங்கதரன் என்ற இளவரசனை தேர்வு செய்கிறாள். சாரங்கதரன் நல்ல இளவரசன்தான். ஆனால் அவனது தந்தை பெண் பித்தன். திருமணத்துக்கு மணமகன் வரமுடியாவிட்டால் அவனது வாளுக்கு மாலையிட்டு கணவனாக்கி கொள்வது மரபு. அதன்படி சாரங்கதரன் யுத்த களத்தில் இருப்பதை பயன்படுத்தி சித்ராங்கியின் அழகில் மயங்கிய சாரங்கதரினின் தந்தை தனது வாளை அனுப்பி மணமுடிக்கிறான். தந்தையை மணமுடித்தால் தான் விரும்பியவனுக்கு சித்தியாகிறாள் சித்ராங்கி.
போர்களத்தில் இருந்து திரும்பிய இளவரசன் தந்தையின் மனைவியை தன் மனைவியாக ஏற்க மறுக்கிறான். கன்னி விரதம் இருப்பதாக கூறி பெண்பித்தனான மன்னனிடமிருந்து தப்பும் சித்ராங்கி நடந்த விஷயங்களை கூறி தன்னை மனைவியாக ஏற்குமாறு இளவரசனிடம் மன்றாடுகிறாள். இதற்கு மறுக்கும் அவனை பற்றி தந்தையிடம் தவறாக சொல்லிவிடுகிறாள் சித்ராங்கி. இதனால் ஆத்திரமடைந்த தந்தை மகனின் மாறுகால் மாறு கை வாங்கிவிடுகிறார். இதை சற்றும் எதிர்பார்க்காத சித்ராங்கி தற்கொலை செய்து கொள்கிறாள். இதுதான் படத்தின் கதை.
கே.சுப்பிரமணியத்தின் நவீன சாரங்கதாரா படப்பிடிப்பு முடியும் நிலையில் இந்தியில் சாரங்கதாரா வெளியாகி படுதோல்வி அடைந்தது. அதற்கு காரணம் என்ன என்று யோசித்த கே.சுப்பிரமணியம், ஹீரோவின் மாறு கால் மாறு கை வெட்டப்படுவதும், ஹீரோயின் தற்கொலை செய்வதுமான கிளைமாக்சை மக்கள் ஏற்கவில்லை என்று தெரிந்தது. உடனே தனது கதையில் மாறுகால் மாறுகை வெட்டப்பட்ட ஹீரோவுக்கு ஒரு புத்த துறவி மீண்டும் கால், கை வரவைப்பது போன்றும், தவறை உணர்ந்த மன்னன், சித்ராங்கிக்கும், சாரங்கதரனுக்கும் திருமணம் செய்து வைப்பது போலவும் கிளைமாக்சை மாற்றி எடுத்து வெளியிட்டார். படம் தமிழில் வெற்றி பெற்றது.