35 ரூபாயில் தயாரிக்கப்பட்ட முதல் படம்

11 டிச, 2016 - 12:30 IST

0 கருத்துகள் கருத்தைப் பதிவு செய்ய

எழுத்தின் அளவு:

இது தமிழ் சினிமாவின் நூற்றாண்டு. தமிழ்நாட்டில் தயாரான முதல் சலனப் படம் கீசக வதம். தஞ்சாவூரைச் சேர்ந்த மூப்பனார் என்பவர் வெளிநாடு சென்று விட்டு வரும்போது ஒரு சினிமா கேமராவை வாங்கி வந்தார். அதனை அவருக்கு இயக்கத் தெரியவில்லை. அதனால் சென்னையில் கார் கம்பெனி நடத்தி வந்த ஆர்.நடராஜ முதலியாரிடம் கேமராவை கொடுத்து விட்டு அதற்கு பதிலாக இரண்டு கார்களை வாங்கிக் கொண்டார்.

நடராஜ முதலியார் ஆர்வமாக வாங்கிக் கொண்டாலும் அவருக்கும் இயக்கத் தெரியவில்லை. இதனால் கேமராவை தன் கார் கம்பெனியில் காட்சி பொருளாக வைத்தார். அதை மக்கள் ஆர்வமாக பார்ப்பதை கண்ட முதலியார். சினிமா எடுத்தால் கார் கம்பெனியை விட அதிகம் சம்பாதிக்கலாம் என்று முடிவு செய்தார்.

மும்பை சென்று படம் எடுப்பதை கற்ற வந்த முதலியார் சுகுணவிலாஸ் நாடக கம்பெனியில் பெண்ணாக நடித்துக் கொண்டிருந்த ரங்கவடிவேலு என்பவரை ஹீரோயினாகவும், வேறு சில நடிகர்களையும் இணைத்து சினிமாவில் நடிப்பது எப்படி என்று பயிற்சி கொடுத்தார். தனது பங்களா வீட்டையே ஸ்டூடியோவாக்கினார். இந்தியா பிலிம் கம்பெனி என்ற நிறுவனத்தை தொடங்கி முதலில் எடுத்த சலனப்படம் கீசகவதம்.

35 நாளில் 35 ரூபாயில் எடுக்கப்பட்டது. மொத்த படமே ஆயிரம் அடிதான். இதன் பிறகு 5 படங்களை தயாரித்த நடராஜ முதலியார் நஷ்டம்தான் அடைந்தார். நாடகங்களின் ஆதிக்கத்துக்கு முன்னால் சலனபடங்கள் எனப்படம் மவுனப்படங்களுக்கு வரவேற்பில்லை. படத்தில் நடிக்க நடிகைகள் கிடைக்காமல் ஆங்கில பெண்மணியை திரபுவதையாக நடிக்க வைத்தார். ஆக தமிழ் சினிமாவின் முதல் தயாரிப்பாளரே சினிமாவால் சொத்துக்களை இழந்தவர் என்பது குறிப்பிடத்தக்கது. (அருகில் உள்ள படம்: நடராஜ முதலியார் தயாரித்த சலனப் படம் ஒன்றின் காட்சி. படத்தில் இருக்கும் இருவரும் ஆண்களே)

flashback

kisakavatham

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய