தனியாக சென்று அஞ்சலி செலுத்தியது ஏன்? - விஷால்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தனியாக சென்று அஞ்சலி செலுத்தியது ஏன்? - விஷால்

07 டிச, 2016 - 05:56 IST

எழுத்தின் அளவு:

நடிகர் சங்கத்தின் பொதுச்செயலாளராக இருப்பவர் விஷால். நடிகர் சங்கத்தின் பொதுக்குழு, கடந்த மாதம் 27ம் தேதி பலத்த சர்ச்சைகளுக்கிடையே நடிகர் சங்க வளாகத்திலேயே நடந்து முடிந்தது. அப்போது ஏற்பட்ட சிறு சிறு கைகலப்புகள், கார் கண்ணாடி உடைப்புகள் விவகாரத்தை இன்னும் சிக்கலாக்கின. அதன் பின் நடிகர் சங்கம் தொடர்பான எந்த ஒரு நிகழ்வும் பெரிய அளவில் நடக்கவில்லை. கொஞ்சம் அமைதியாகவே இருந்து வந்தது.

இந்நிலையில், மறைந்த முதல்வர் ஜெயலலிதாவுக்கு நேற்று அஞ்சலி செலுத்த நடிகர் சங்க பொதுச் செயலாளர் விஷால் தனியாகவே வந்தார். நடிகர் சங்கத் தலைவர் நாசர், பொருளாளர் கார்த்தி ஆகியோருடன் அவர் சேர்ந்து வரவில்லை. சோவிற்கு அஞ்சலி செலுத்திய போதும் கூட விஷால் தனியாகவே வந்தார், நடிகர் சங்க நிர்வாகிகள் தனியாக வந்தனர். நடிகர் சங்கம் சம்பந்தப்பட்ட நிர்வாகிகள் முக்கிய நிகழ்வுகளில் பங்கெடுக்கச் சென்றால் கூட்டாகவே செல்வார்கள். ஆனால், கடந்த இரண்டு நாட்களாக விஷால் தனியாக வந்திருப்பது பல கேள்விகளை எழுப்பியிருக்கிறது. குறிப்பாக நடிகர் சங்கத்திற்கும், விஷாலுக்கும் பிரச்னை போன்ற தகவல் பரவி வருகிறது. ஆனால் இதை விஷால் தரப்பு மறுத்துள்ளது.

இதுப்பற்றி விஷால் தரப்பு கூறியிருப்பதாவது... ‛‛கடந்த சில நாட்களாகவே விஷாலுக்கு கடுமையான காய்ச்சலாம், இதன்காரணமாக அவர் மருந்து மாத்திரைகள் எடுத்து கொள்வதால் நன்றாக ஓய்வு எடுத்து வருகிறாராம். அதனால் தான், நடிகர் சங்கம் நிர்வாககிள் உடன் அவர் செல்லாமல் தனியாக சென்று அஞ்சலி செலுத்தியதாகவும், மற்றபடி எந்த பிரச்னையும் இல்லை என்று விளக்கமளிக்கப்பட்டுள்ளது.

vishal

vishalkofficial

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய