ஜெயலலிதா உடல் நல்லடக்கம் : லட்சக்கணக்கானோர் கண்ணீர் அஞ்சலி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ஜெயலலிதா உடல் நல்லடக்கம் : லட்சக்கணக்கானோர் கண்ணீர் அஞ்சலி

06 டிச, 2016 - 06:50 IST

எழுத்தின் அளவு:

மறைந்த முதல்வரும், நடிகையுமான ஜெயலலிதா உடல் சென்னை மெரீனா கடற்கரையில் எம்.ஜி.ஆர்., சமாதி அருகே நல்லடக்கம் செய்யப்பட்டது. இவரது இறுதிச்சடங்கில் தமிழகம் முழுவதும் இருந்து லட்சக்கணக்கான தொண்டர்கள் கண்ணீர் அஞ்சலி செலுத்தினர்.

உடல்நலகுறைவால் இரண்டரை மாத காலமாக சென்னை அப்பல்லோ மருத்துவமனையில் அனுமதிக்கப்பட்டிருந்த ஜெயலலிதா, சிகிச்சை பலன் இன்றி நேற்று(டிச.,5-ம் தேதி) இரவு 11.30 மணியளவில் காலமானார். தொடர்ந்து அவரது உடல் ராஜாஜி ஹாலில் பொது மக்கள் பார்வைக்காக வைக்கப்பட்டிருந்தது. ஜெயலலிதா உடலுக்கு, ஜனாதிபதி பிரணாப் முகர்ஜி, பிரதமர் மோடி, காங்கிரஸ் துணைத்தலைவர் ராகுல், தமிழக முதல்வர் பன்னீர்செல்வம், அமைச்சர்கள், கேரள கவர்னர் சதாசிவம், முதல்வர் பினராயி விஜயன், ஒடிசா முதல்வர் நவீன் பட்நாயக், ஆந்திர முதல்வர் சந்திரபாபு நாயுடு, புதுவை முதல்வர் நாராயணசாமி, மகாராஷ்டிரா முதல்வர் பட்நாவீஸ், ரஜினி, இளையராஜா உள்ளிட்ட திரைத்துறையினர் என 10 லட்சத்திற்கும் மேற்பட்ட மக்கள் அஞ்சலி செலுத்தினர்.

பின்னர் ஜெயலலிதாவின் உடல் ராணுவ வண்டியில் ஏற்றப்பட்டு ஊர்வலமாக சென்னை மெரீனா கடற்கரையில் உள்ள எம்ஜிஆர்., சமாதி அருகே கொண்டு செல்லப்பட்டது. பின்னர் அங்கு அரசு மரியாதையுடன், துப்பாக்கி குண்டுகள் முழங்க அவரது உடல் நல்லடக்கம் செய்யப்பட்டது. இறுதிச்சடங்கை ஜெயலலிதாவின் அண்ணன் மகன் தீபக் மற்றும் ஜெயலலிதாவின் தோழி சசிகலா ஆகியோர் செய்தனர்.

ஜெயலலிதா நம் பார்வையிலிருந்து விலகிவிட்டாரே தவிர, நம் இதயத்தில் இருந்து அல்ல... என்பது மட்டும் திண்ணம்...!

Jayalalitha

RIPJayalalitha

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய