ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
கே.பாக்யராஜ் இயக்கி நாயகனாக நடித்த படம் டார்லிங் டார்லிங் டார்லிங். இந்த படத்தில்தான் பூர்ணிமா நாயகியாக நடித்தார். அப்போது அவர்களுக்கிடையே காதல் ஏற்பட்டு திருமணம் செய்து கொண்டனர். ஆனால், முதலில் இந்த படத்தில் நாயகியாக நடிக்கயிருந்தவர் சுகாசினியாம். அவரிடம் கதை சொல்லி ஓகே பண்ணி விட்ட கே.பாக்யராஜ் கால்சீட் கேட்டபோது, அதே தேதியில் அவர் ஒரு தெலுங்கு படத்திற்கு ஏற்கனவே கால்சீட் கொடுத்திருந்தாராம்.
இருப்பினும் கே.பாக்யராஜ் படத்தில் நடிக்க வேண்டும் என்ற ஆசையில், அந்த தெலுங்குப்பட நிறுவனத்திடம் வேறு தேதியில் நடித்துத்தருவதாக சுகாசினி சொன்னபோது, அவர்கள் தங்களுக்கு கொடுத்த தேதியில் நடித்து தந்தே ஆக வேண்டும் என்று உறுதியாக சொல்லி விட்டார்களாம். அதனால் டார்லிங் டார்லிங் டார்லிங் படத்தில் தன்னால் நடிக்க முடியாது என்பதை சொல்லி விட்டாராம் சுகாசினி. அதன்பிறகுதான் பூர்ணிமா அந்த படத்தில் கமிட்டாகியிருக்கிறார்.
இந்த தகவலை, நேற்று முன்தினம் சென்னையில் கே.பாக்யராஜ்க்கு, ஆர்.பார்த்திபன் நடத்திய பாராட்டு விழாவில் தெரிவித்த சுகாசினி, நான் மட்டும் அந்த படத்தில் நடித்திருந்தால் பூர்ணிமா அந்த படத்திற்குள் வந்திருக்கவே மாட்டார். நான் வெளியேறியதால்தான் அவர் நடித்தார். அந்த வகையில், கே.பாக்யராஜ்-பூர்ணிமா ஆகிய இருவருக்கும் திருமணம் நடப்பதற்கு நான் ஒரு கல்யாண புரோகிதர் போல் இருந்திருக்கிறேன் என்றார்