மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
கௌதம் மேனன் இயக்கத்தில் சிம்பு, மஞ்சிமா மோகன் மற்றும் பலர் நடித்துள்ள அச்சம் என்பது மடமையடா படத்தின் வெளியீடு மேலும் தள்ளிப் போக வாய்ப்புள்ளது. இப்படத்தில் இடம் பெற்று சூப்பர் ஹிட்டான பாடலின் ஆரம்பத்தை எந்த நேரத்தில் தள்ளிப் போகாதே... என எழுதினார்களோ தெரியவில்லை. எதிர்பார்க்க வைத்து, எதிர்பார்க்க வைத்து படத்தின் வெளியீட்டையும் தள்ளிக் கொண்டே போகிறார்கள். ஆகஸ்ட் வெளியீடு, செப்டம்பர் 9 வெளியீடு, செப்டம்பர் 30, அக்டோபர் 7 என பல தேதிகள் குறிக்கப்பட்டு படம் தள்ளிக் கொண்டே வருகிறது.
இதற்கிடையில் அச்சம் என்பது மடமையடா படத்தின் தெலுங்கு ரீமேக்கையும் ஒரே நேரத்தில் வெளியிட முடியாத சிக்கல். இப்படத்தின் தெலுங்கு ஹீரோவான நாக சைதன்யா நடித்த பிரேமம் படம் அக்டோபர் 7 வெளியாவதாக அறிவிக்கப்பட்டுள்ளது. அந்தப் படத்தின் டிரைலர் வெளியான பிறகு மலையாள பிரேமம் படத்துடன் கிண்டல் செய்வதும் குறைந்துவிட்டதால், பிரேமம் தெலுங்கு ரீமேக்கிற்கு இப்போது எதிர்பார்ப்பு அதிகமாகியுள்ளது. அதனால் அன்றைய தேதியில் அச்சம் என்பது மடமையடா தமிழிலும், தெலுங்கிலும் ஒரே நேரத்தில் வெளியாக வாய்ப்பேயில்லை என்றாகிவிட்டது. அந்த தேதியும் போச்சே என கௌதம் ரசிகர்கள், சிம்பு ரசிகர்கள், ரகுமான் ரசிகர்கள் வருத்தமடைந்தனர். சரி, தீபாவளிக்காவது படத்தை வெளியிடலாம் என நினைத்தால் ஏற்கெனவே பல படங்கள் அன்றைய தேதியில் வெளியாகத் தயாராகி வருகின்றன. தியேட்டர் கிடைக்க வேண்டும், தெலுங்கு ரிலீசை சரி செய்ய வேண்டும் என பிரச்சனைகள் நீள்வதைப் பார்த்தால் தீபாவளி கழித்துத்தான் படம் வெளியாகும் என கோலிவுட் வட்டாரங்களில் தெரிவிக்கிறார்கள்.
அச்சம் என்பது மடமையடா வெளியீடு இப்படி, அச்சச்சசோ....என உச் கொட்ட வைத்து தவிக்க வைக்கிறதே. சீக்கிரம் சரி பண்ணுங்கப்பா...