ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
அம்மா கிரியேஷன் டி.சிவா தயாரிக்கும் படம் கடவுள் இருக்கான் குமாரு (கிக்). ஜி.வி.பிரகாஷ் குமார் ஹீரோவாக நடித்து இசை அமைக்கிறார், நிக்கி கல்ராணி, ஆனந்தி ஹீரோயினாக நடிக்கிறார்கள். இவர்கள் தவிர பிரகாஷ்ராஜ், எம்.எஸ்.பாஸ்கர், ரோபோ சங்கர், ஆர்.ஜே.பாலாஜி மொட்டை ராஜேந்திரரன், சிங்கம்புலி நடிக்கிறார்கள். சக்தி சரவணன் ஒளிப்பதிவு செய்துள்ளார். படத்தின் டீசர் வெளியீட்டு விழா நேற்று நடந்தது. தமிழ் திரைப்படத் தயாரிப்பாளர் சங்கத் தலைவர் கலைப்புலி எஸ்.தாணு வெளியிட்டார். பங்கேற்ற மற்ற பிரபலங்கள் பெற்றுக் கொண்டார்கள். விழாவில் இயக்குனர் ராஜேஷ் எம்.பேசியதாவது:
இந்தப் படத்தின் டைட்டில் ஜி.வி.பிரகாஷ் சொன்னது. நான் வைத்த டைட்டில் அல்ல. கிக் என்பது கூட யதேச்சையாக அமைந்தது தான். படத்தில் ஒரு டாஸ்மாக் காட்சிகூட கிடையாது. என் மனதில் நீண்ட நாள் ஓடிக்கொண்டிருந்த ஒரு டிராவல் கதை. அதற்குள் காதல், செண்டிமெண்ட், காமெடி, ஆக்ஷன் எல்லாமே இருக்கிறது. சிறிய பட்ஜெட்டில் எடுக்க வேண்டும் என்று தொடங்கப்பட்ட படம்தான் தயாரிப்பளர் எதையும் பெரிதாக செய்ய வேண்டும் என்று தயாரிப்பாளர் விரும்பியதால் பெரிய பட்ஜெட் படமாகியிருக்கிறது.
உங்கள் படத்தில் சந்தானம் இல்லையே என்று கேட்கிறார்கள். அவர் இப்போது ஹீரோவாகி விட்டார். அவர் லெவல் வேறு. அழுது அடம்பிடிச்சு நீங்க நடிச்சு தரணும் என்ற கேட்டிருந்தால் நிச்சயம் நடித்திருப்பார். ஆனால் அவருக்கு தர்மசங்கடம் கொடுக்க நான் விரும்பவில்லை. அவரது இடத்தை ஆர்.ஜே பாலாஜி, ரோபோ சங்கர், சிங்கம்புலி கூட்டணி நிரப்பும். இவ்வாறு ராஜேஷ் பேசினார்.
விழாவில் நடிகர் சங்கத் தலைவர் நாசர், இயக்குனர் சசி, நடிகைகள் ஆனந்தி, நிக்கி கல்ராணி, நடிகர் ஜி.வி.பிரகாஷ், கயல் சந்திரன், சந்தானம், ஆர்.ஜே.பாலாஜி. தயாரிப்பாளர் சங்கத் துணை தலைவர்கள் கதிரேசன், தேனப்பன் உள்பட பலர் கலந்து கொண்டனர்.