ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
லண்டன்:உலகின் அதிக வருமானம் ஈட்டும் நடிகர்கள் பட்டியலில், டாப் 20 இடங்களில், இந்தியாவை சேர்ந்த பாலிவுட் நடிகர்கள், நான்கு பேர் இடம் பெற்றுள்ளனர். இந்த பட்டியலில், 220 கோடி ரூபாய் வருமானத்துடன், நடிகர் ஷாருக் கான், எட்டாம் இடம் பிடித்துள்ளார்.
ஹாலிவுட் முதல் பாலிவுட் வரை, உலகின் அனைத்து தரப்பு நடிகர்களின் வருமானத்தின் அடிப்படையில், அதிக வருமானம் ஈட்டும் நடிகர்களின் பட்டியலை, போர்ப்ஸ் நிறுவனம் ஆண்டுதோறும் வெளியிட்டு வருகிறது. 2016ம் ஆண்டுக்கான, அதிக வருமானம் ஈட்டும் நடிகர்கள் பட்டியல், தற்போது வெளியாகி யுள்ளது.
இந்த பட்டியலில்,முதல், 20 இடங்களுக்குள், இந்தியாவை சேர்ந்த பிரபல நடிகர்கள் ஷாருக்கான், அக்ஷ்ய் குமார், சல்மான் கான் மற்றும் அமிதாப் பச்சன் ஆகியோர் இடம் பெற்றுள்ளனர்.
உலகின் அதிக வருமானம் ஈட்டும் நடிகர்கள் பட்டியலில், பாலிவுட் பாட்ஷா என அழைக்கப்படும் ஷாருக் கான், 220 கோடி ரூபாய் வருமானத்துடன், 8ம் இடத்தை பிடித்துள்ளார். அவருக்கு அடுத்தபடியாக, 205 கோடி ரூபாய் வருமானத்துடன் அக்ஷ்ய் குமார், 10வது இடத்தையும், 184 கோடி ரூபாய் வருமானத்துடன் சல்மான் கான், 14வது இடத்தையும் பிடித்துள்ளனர்.
அதேப்போல், 70 வயதை கடந்த நிலையிலும், திரையுலகில் மின்னும் நட்சத்திரமாய் விளங்கும் அமிதாப் பச்சன், 130 கோடி ரூபாய் வருமானத்துடன், அந்த பட்டியலில், 20ம் இடத்தை பிடித்துள்ளார். பாலிவுட் நடிகர்கள் மட்டுமின்றி, பிரபல பாலிவுட் நடிகை தீபிகா படுகோன், 66 கோடி ரூபாய் வருமானத்துடன், உலகின் அதிக வருமானம் ஈட்டும் நடிகையர் பட்டியலில், 10ம் இடத்தை பிடித்துள்ளது குறிப்பிடத்தக்கது.