அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா |
'காக்கா முட்டை' படத்துக்கு முன் மணிகண்டன் இயக்கிய முதல் படம் 'குற்றமே தண்டனை'. விதார்த் தயாரித்து கதாநாயகனாக நடித்த இந்தப் படம் தாமதமானதால் காக்கா முட்டை படத்தை இயக்கி அதன் மூலம் புகழ் பெற்றார். இயக்குனர் மணிகண்டன் இயக்கிய முதல் படமான 'குற்றமே தண்டனை' அவரது இரண்டாவது படமாக விரைவில் ரிலீசாகவிருக்கிறது. ஆகஸ்ட் 25 அன்று வெளிவருவதாக சொல்லப்பட்ட இந்தப் படம் தற்போது அடுத்த மாதத்துக்கு தள்ளி வைக்கப்பட்டிருக்கிறது. செப்டம்பர் 23 அன்று இப்படத்துக்கு ரிலீஸ் தேதி குறித்திருக்கிறார்கள்.
அதே தேதியில் விஜய்சேதுபதி, ரித்திகா சிங் நடிப்பில் மணிகண்டன் இயக்கியுள்ள 'ஆண்டவன் கட்டளை' படத்தின் ரிலிஸ் தேதியும் குறிக்கப்பட்டுள்ளது. ஒரே இயக்குநரின் இரண்டு படங்கள் ஒரே தேதியில் வெளிவருவது அபூர்வமான விஷயம்தான். அந்த பெருமை மணிகண்டனுக்கு கிடைக்குமா? அல்லது இரண்டில் ஒரு படம் வேறு தேதிக்கு மாற்றப்படுமா? என்பது தெரியவில்லை.
இதற்கிடையில் மணிகண்டன் அடுத்த இயக்கவிருக்கும் படத்தின் தகவல்களும் வெளியாகியுள்ளன. 'கடைசி விவசாயி' என்று பெயர் வைக்கப்பட்டுள்ள இந்தப்படத்தில் 70 வயது முதியவர் ஒருவரை மையமாக வைத்து திரைக்கதை அமைத்திருக்கிறாராம். இது கமர்ஷியல் சினிமா அல்லவாம். முழுக்க முழுக்க அவார்டுக்காக எடுக்கப்படும் படமாம்.