ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
சூப்பர் ஸ்டார் ரஜினி நடித்த 'கபாலி' படத்தின் வெற்றி சந்திப்பில் இயக்குனர் பா.ரஞ்சித் பேசியதாவது... மூன்றாவது படமே சூப்பர் ஸ்டார் படம் என்பது யாருக்குமே கிடைத்திராத ஒரு அரிய வாய்ப்பு. அந்த வாய்ப்பை ஏற்படுத்திக் கொடுத்தவர் சவுந்தர்யா. எனது 'அட்டகத்தி', 'மெட்ராஸ்' படங்கள் பார்த்துதான் எனக்கு இந்த வாய்ப்பை சூப்பர் ஸ்டார் வழங்கினார்.
ஆரம்பத்தில் எனக்கு தயக்கம் இருந்தது. ரஜினிக்கென்று ஒரு பார்முலா இருக்கிறது. நமது பாணியில் படம் எடுத்தால் அதனை மக்கள் ஏற்றுக் கொள்வார்களா என்ற தயக்கம் இருந்து. அதனால் அதனை அவர்களிடம் தெரிவித்தேன். நீங்கள் உங்கள் பாணியிலேயே எடுங்கள் என்று கூறிவிட்டார்கள்.
ரஜினியிடம் என் தரப்பு நியாயத்தை எடுத்துச் சொன்னவர் சவுந்தர்யா. ரஜினிக்கு தர்மசங்கடம் ஏற்படுத்த வேண்டாம் என்று கருதி நான் எழுதிய சில வசனத்தை வேண்டாம் என்று நீக்கினேன். ஆனால் ரஜினி அந்த வசனம் இருக்கட்டும் அதுதான் கபாலிக்கு அழகு என்று கூறினார். கிளைமாக்சை ரஜினி ரசிகர்கள் ஏற்க மாட்டார்கள் என்று கருதி அதை மாற்ற நினைத்தோம். ஆனால் ரஜினி வெளிநாட்டிலிருந்து போன் செய்து கிளைமாக்சை மாற்ற வேண்டாம் என்றார். கபாலி படம் ரஜினி படமாக இருக்க கூடாது ரஞ்சித் படமாக இருக்க வேண்டும் என்பதில் உறுதியாக இருந்தார். அதற்காக நிறைய விட்டுக் கொடுத்தார்.
எனது படஙங்களில் கண்டிப்பாக அரசியல் இருக்கும். அட்டக்கத்தியிலும் அரசியல் இருந்தது. மெட்ராஸ் படத்தில் நேரடியான அரசியல் இருந்தது. இந்த சமூகம் எனக்கு சில பொறுப்புகளை தந்துள்ளது. அதனை நான் செய்து கொண்டே இருப்பேன். என்றார் பா.ரஞஞ்சித்.