ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
மலையாளத்தில் தான் நடித்து வரும் 'புலி முருகன்', 'ஒப்பம்' ஆகிய படங்களை விட 'கபாலி' படத்தை கேரளாவில் பிரமாண்டமாக ரிலீஸ் செய்யவேண்டும் என மோகன்லால் அதிக முனைப்பு காட்டி அதை சாதித்தும் விட்டார். மோகன்லாலின் ஆசீர்வாத் சினிமாஸ் தான் 'கபாலி' படத்தின் கேரள வெளியீட்டு உரிமையை கைப்பற்றியது. அடுத்ததாக மோகன்லாலின் படங்கள் வரிசையாக வெளியாக இருக்கின்றன. இதை தொடர்ந்து விஜய் தற்போது நடித்து வரும் அவரது 60வது படத்தின் கேரளா வெளியீட்டு உரிமையையும் வாங்கும் முயற்சியில் ஆசீர்வாத் சினிமாஸ் இப்போதே இறங்கியுள்ளதாம்..
விஜய்யும் மோகன்லாலும் 'ஜில்லா' பிரண்ட்ஸ் என்பதால் படம் ஈசியாக கிடைத்துவிடும் என்றே வைத்துக்கொள்ளுங்கள்/.. ஆனால் 'கபாலி'யைப்போல விஜய் படத்தை வாங்கி கேரளாவில் ரிலீஸ் செய்து அதில் லாபம் சம்பாதிப்பதல்ல மோகன்லாலின் நோக்கம். சொல்லப்போனால் 'கபாலி'யை கேரளாவில் வெளியிட்டது கூட, தனது மைத்துனர் சுரேஷ் மற்றும் நண்பர் ஆண்டனி பெரும்பாவூர் இறுவருக்காகத்தான். அதேபோல விஜய் படத்தை வெளியிட இருப்பது விஜய்க்காக அல்ல.. அதில் நடித்திருக்கும் கீர்த்தி சுரேஷுக்காகத்தான்..
ஆம். கீர்த்தி சுரேஷின் அப்பா சுரேஷும் மோகன்லாலும் நீண்ட கால நண்பர்கள். கீர்த்தியின் அம்மா மேனகா மோகன்லாலுடன் பல படங்களில் ஜோடியாக நடித்தவர். கீர்த்தி அறிமுகமானதே கூட மலையாளத்தில் மோகன்லால் நடித்த 'கீதாஞ்சலி' படத்தில் தான். சமீபகாலமாக மலையாள படங்களை விடுத்து தமிழில் மட்டுமே கவனம் செலுத்திவரும் கீர்த்தி சுரேஷை மலையாள திரையுலகிலும் ஸ்திரமாக காலூன்ற செய்யும் விதமாக, 'விஜய்-60' படத்தை மோகன்லால் பிரமாண்டமாக புரமோட் பண்ண இருப்பதாக சொல்லப்படுகிறது. அதை தொடர்ந்து மோகன்லாலின் ஆலோசனைப்படி மலையாள திரையுலகிலும் கவனம் செலுத்த இருக்கிறாராம் கீர்த்தி சுரேஷ்.